ഉപജാപം എന്ന വാക്കിന് ദ്രോഹാലോചന, ചാരവൃത്തി, ഭേദം എന്ന ഉപായം, സ്വകാര്യമായി ഏഷണി പറഞ്ഞു സാധിക്കുന്നത് തുടങ്ങിയ അര്‍ഥങ്ങളാണ് നിഘണ്ടുവില്‍ കാണുന്നത്്. പി സി ജോര്‍ജ്, ക്രൈം നന്ദകുമാര്‍ എന്നിവരെ ഉപജാപകര്‍ എന്നു വിളിച്ചാല്‍ ആ വാക്ക് നാണിച്ചുപോകും എന്നാണ് കഴിഞ്ഞ ദിവസം തൊടുപുഴയില്‍ നിന്നുവന്ന ഒരു വാര്‍ത്ത നല്‍കുന്ന സൂചന. പി സി ജോര്‍ജ് കേരള നിയമസഭയിലെ ചീഫ് വിപ്പാണ്. ഭരണമുന്നണിയിലെ പ്രധാന ഘടകകക്ഷിയായ കേരള കോണ്‍ഗ്രസ് മാണി ഗ്രൂപ്പിന്റെ ഉപാധ്യക്ഷനുമാണ്. അങ്ങനെയൊരാള്‍ , സ്വന്തം പാര്‍ടിയിലെ മറ്റൊരു നേതാവായ പി ജെ ജോസഫിനെ ലൈംഗിക അപവാദത്തിലും കള്ളക്കേസിലും കുരുക്കാന്‍ ശ്രമിച്ചു എന്നാണ് ഗൂഢാലോചനയിലുള്‍പ്പെട്ട ഒരാള്‍ നല്‍കിയ മൊഴി. ഇത് നേരത്തെ സംശയിക്കപ്പെട്ടതാണ്. മാണിവിഭാഗം കേരള കോണ്‍ഗ്രസിന് രണ്ട് മന്ത്രിസ്ഥാനമാണ് യുഡിഎഫ് അനുവദിച്ചത്. മന്ത്രിമോഹമുള്ള പി സി ജോര്‍ജ് ആ രണ്ടില്‍ പെട്ടില്ല. പി ജെ ജോസഫിനെ ഏതുവിധേനയും ഒഴിവാക്കിയാല്‍ ജോര്‍ജ് മന്ത്രിസ്ഥാനത്തേക്ക് പരിഗണിക്കപ്പെടുന്നത് സ്വാഭാവികം. സത്യപ്രതിജ്ഞാ വേളയില്‍ പുതിയൊരു ലൈംഗിക വിവാദത്തിലും കേസിലും ജോസഫ് പെട്ടതായി വാര്‍ത്ത വരുമ്പോള്‍ സംശയത്തിന്റെ മുന ജോര്‍ജിലേക്ക് നീളുമെന്നത് സാമാന്യയുക്തി മാത്രമാണ്. ആ വിവാദം അന്ന് ക്ലിക്കുചെയ്തിരുന്നുവെങ്കില്‍ പി ജെ ജോസഫ് മന്ത്രിയാകില്ലായിരുന്നു. ജോസഫ് രാഷ്ട്രീയ സത്യസന്ധതയും മാന്യതയും കാണിക്കാതെ എല്‍ഡിഎഫ് വിട്ടുപോയ ആളാണ്. അദ്ദേഹത്തോടൊപ്പം പോകാന്‍ കൂട്ടാക്കാതിരുന്നവര്‍ ഇന്നും എല്‍ഡിഎഫില്‍ തുടരുന്നുണ്ട്. രാഷ്ട്രീയമായ കടുത്ത അഭിപ്രായ വ്യത്യാസങ്ങള്‍ നിലനില്‍ക്കുമ്പോഴും ജോസഫിനെതിരെ ഇങ്ങനെയുള്ള നിലവാരമില്ലാത്ത ഒരാക്രമണം എല്‍ഡിഎഫില്‍നിന്നുണ്ടായിട്ടില്ല. സ്വന്തം പാര്‍ടിയില്‍നിന്നുതന്നെയാണ് അതുണ്ടായിരിക്കുന്നത്. ഏതുനേതാവിനെയും കള്ളക്കേസില്‍ കുരുക്കി അപവാദം പ്രചരിപ്പിച്ച് നശിപ്പിക്കാമെന്ന അവസ്ഥ വന്നുകൂടാ. വലതുപക്ഷത്തായാലും മറ്റേതുപക്ഷത്തായാലും ദാക്ഷിണ്യമില്ലാതെ നേരിടേണ്ട പ്രവണതയാണിത്.
ജോസഫിനെതിരെ ഉയര്‍ത്തിയ കേസിന്റെ സ്വഭാവം നോക്കൂ: നേരത്തെ വിമാനയാത്രയ്ക്കിടയില്‍ ഒരു വനിതയെ അപമാനിച്ചു എന്ന ആരോപണവിധേയനാണ് അദ്ദേഹം. ഇക്കുറി യുഡിഎഫ് കഷ്ടിച്ച് ജയിച്ചു; മന്ത്രിസഭാ രൂപീകരണം നടക്കുന്നു. ആ ഘട്ടത്തില്‍ ഒരു സ്ത്രീ സ്വമേധയാ തൊടുപുഴ ജുഡീഷ്യല്‍ ഫസ്റ്റ് ക്ലാസ് മജിസ്ട്രേട്ട് കോടതിയിലെത്തി ജോസഫിനെതിരെ പരാതി നല്‍കുകയാണ്. അവര്‍ പറഞ്ഞത്, ജോസഫ് സ്വന്തം ഫോണില്‍നിന്ന് തന്നോട് മോശമായി സംസാരിച്ചെന്നും സന്ദേശങ്ങള്‍ അയച്ചെന്നും വഴിവിട്ട ബന്ധത്തിന് നിര്‍ബന്ധിച്ചെന്നുമാണ്. അന്യായം ഫയലില്‍ സ്വീകരിച്ച കോടതി അന്വേഷണത്തിന് ഉത്തരവിട്ടു. അന്യായത്തിന്റെ കോപ്പി അതേപടി മാധ്യമങ്ങള്‍ക്ക് അയച്ചുകൊടുത്തത് ക്രൈം ദൈ്വവാരികയുടെ ഇ-മെയിലില്‍ നിന്നാണ്. അന്യായത്തില്‍ ഇങ്ങനെ പറയുന്നു: വാദി ഇടുക്കി ജില്ലയില്‍ തൊടുപുഴ താലൂക്കില്‍ ..... വീട്ടില്‍ , ഭര്‍ത്താവായ ജയ്മോനും രണ്ടു കുട്ടികളുമായി താമസിച്ചുവരികയാണ്....... വാദിയുടെ ഭര്‍ത്താവായ ജയ്മോന്‍ എത്തിക്സ് ഇന്ത്യ ഗ്രൂപ്പ് പ്രസിദ്ധീകരണമായ "ട്രൂശബ്ദം" അടക്കമുള്ള പ്രസിദ്ധീകരണങ്ങള്‍ക്കുവേണ്ടി ഇടുക്കി ജില്ലാ ലേഖകനായി (ട്രെയിനി) പ്രവര്‍ത്തിച്ചുവരുന്നു. മെയ് 28നാണ് ക്രൈം വാരിക ഈ പരാതി ഇ-മെയിലായി മാധ്യമങ്ങള്‍ക്ക് അയച്ചത്. അതോടൊപ്പം, "മന്ത്രി പി ജെ ജോസഫിനെതിരെ യുവതി ഇന്ന് മൊഴിനല്‍കും" എന്നൊരു വാര്‍ത്താക്കുറിപ്പും അയച്ചു. യുഡിഎഫ് രണ്ടുസീറ്റിന്റെ ഭൂരിപക്ഷത്തില്‍ നില്‍ക്കുന്നതിനാലാകണം മാധ്യമങ്ങള്‍ വലുതായി ഈ കേസിനുപിന്നാലെ പോയില്ല. ജോസഫ് മന്ത്രിയായി; പി സി ജോര്‍ജ് പിന്നീട് ചീഫ് വിപ്പുമായി. അതില്‍പ്പിന്നെയാണ് കേസിലെ വാദിയായ യുവതിയുടെ "ഭര്‍ത്താവ്" പൊലീസ് പിടിയിലാകുന്നത്. വിവാഹ വാഗ്ദാനം നല്‍കി കഴിഞ്ഞ ഒരുവര്‍ഷമായി ജയ്മോന്‍ തന്നെ ലൈംഗികമായി പീഡിപ്പിക്കുകയായിരുന്നുവെന്ന്, നേരത്തെ ഭാര്യയെന്നും രണ്ടു കുഞ്ഞുങ്ങളോടൊപ്പം താമസിക്കുകയാണെന്നും അവകാശപ്പെട്ട അതേ യുവതി പരാതി നല്‍കിയതിനെത്തുടര്‍ന്നാണ് അറസ്റ്റുണ്ടായത്. തന്നെ വിട്ട് മുന്‍പഞ്ചായത്ത് പ്രസിഡന്റായ മറ്റൊരു യുവതിയോടൊപ്പം ജയ്മോന്‍ സ്ഥലം വിട്ടപ്പോഴാണ് താന്‍ ഭാര്യയല്ലെന്നും ജയ്മോന്‍ തന്നെ വഞ്ചിച്ചുവെന്നും അവര്‍ കോടതിയെ ബോധിപ്പിച്ചത്. വിവാഹ വാഗ്ദാനം നല്‍കി പീഡിപ്പിച്ച കേസില്‍ റിമാന്‍ഡിലായ ജയ്മോന്‍ നല്‍കിയ ജാമ്യാപേക്ഷയിലാണ് യഥാര്‍ഥ ബോംബുള്ളത്.
പി ജെ ജോസഫിനെതിരെ ലൈംഗിക അപവാദം സൃഷ്ടിക്കാന്‍ പി സി ജോര്‍ജ് എംഎല്‍എയും ക്രൈം പത്രാധിപര്‍ നന്ദകുമാറും ചേര്‍ന്ന് പ്രേരിപ്പിക്കുകയായിരുന്നുവെന്നാണ് ജയ്മോന്റെ വെളിപ്പെടുത്തല്‍ . ആ സത്യം പുറത്തുവിടുമെന്ന് പറഞ്ഞതിനാലാണ് തന്നെ കേസില്‍ കുടുക്കി അറസ്റ്റ് ചെയ്യിച്ചതെന്നും ജയ്മോന്‍ മജിസ്ട്രേട്ടുമുമ്പാകെ വിശദീകരിച്ചു. ഇങ്ങനെ കഥ മറിഞ്ഞുവന്നപ്പോള്‍ ക്രൈം നന്ദകുമാര്‍ കൊച്ചിയിലെത്തി വാര്‍ത്താസമ്മേളനം നടത്തി. അതില്‍ ജയ്മോന്‍ തന്റെ ജീവനക്കാരനായിരുന്നു എന്നത് നന്ദകുമാര്‍ മിണ്ടുന്നില്ല. വാര്‍ത്താക്കുറിപ്പില്‍ ഇങ്ങനെ പറയുന്നു: "ഈ കേസില്‍ അനാവശ്യമായി പി സി ജോര്‍ജിന്റെ പേര് വലിച്ചിഴയ്ക്കപ്പെട്ടു എന്നതുകൊണ്ട് അദ്ദേഹത്തിന്റെ താല്‍പ്പര്യപ്രകാരം, നേരത്തെ മറ്റു നടപടികളില്‍നിന്ന് ഞാന്‍ പിന്‍വാങ്ങിക്കൊണ്ടിരിക്കുകയായിരുന്നു. എന്നാല്‍ , പീഡനക്കേസില്‍ അറസ്റ്റ് ചെയ്യപ്പെട്ട ജയ്മോനെ പി ജെ ജോസഫ് വിലയ്ക്കെടുത്ത്, താന്‍ നിയമിച്ച അഡ്വക്കേറ്റിനെക്കൊണ്ട് ജാമ്യ ഹര്‍ജിയില്‍ ആവശ്യമില്ലാതെ എന്റെയും പി സി ജോര്‍ജിന്റെയും പേര് വലിച്ചിഴയ്ക്കുകയുമായിരുന്നു."
ആരാണ് ഈ നന്ദകുമാര്‍ ? അയാളും പി സി ജോര്‍ജുമായി എന്താണ് ബന്ധം? പി ജെ ജോസഫിന്റെ കേസുമായി അയാള്‍ ഏതുതരത്തില്‍ ബന്ധപ്പെടുന്നു? ചുരുങ്ങിയപക്ഷം കെ എം മാണിയെങ്കിലും ഉത്തരം നല്‍കേണ്ട ചോദ്യങ്ങളാണിത്.
രാഷ്ട്രീയം കെട്ടുപോവുകയാണ്. ഇത്തരത്തിലുള്ള നാലാംതരം ഉപജാപങ്ങളും വൃത്തികേടുകളും പേറിനടക്കുകയാണ് യുഡിഎഫ്. സ്വന്തം പാര്‍ടിയിലെ സഹപ്രവര്‍ത്തകനെ തേജോവധം ചെയ്യാന്‍ ലൈംഗിക ആരോപണമുണ്ടാക്കുകയും അതിന് ഒരു ക്രിമിനലിനെ കൂട്ടുപിടിക്കുകയും ചെയ്യുന്നവര്‍ യുഡിഎഫില്‍ സസുഖം വാഴുന്നു. പി സി ജോര്‍ജിന് ക്യാബിനറ്റ് പദവിയാണ്. എല്ലാം തെളിഞ്ഞിട്ടും പി ജെ ജോസഫിനും തോന്നുന്നില്ല തെല്ലും നാണം. ഇത്രവലിയ വൃത്തികേടു ചെയ്ത സഹപ്രവര്‍ത്തകനൊപ്പം ആ മന്ത്രിയും അധികാരം ഭുജിക്കുന്നു. കഷ്ടം. ഇങ്ങനെ ആരും ചെയ്യാന്‍ അറയ്ക്കുന്ന കാര്യങ്ങള്‍ ചെയ്തുകൊണ്ടേയിരിക്കുന്ന ഹീന ജന്മങ്ങളെ തുറന്നുകാട്ടാന്‍ മാധ്യമങ്ങളും തയ്യാറാകുന്നില്ല. എന്തുപറയാനും ചെയ്യാനും വാടകയ്ക്ക് ആളെക്കിട്ടുന്ന നാട്ടില്‍ എന്തൊക്കെ സംഭവിച്ചുകൂടാ? ഇതിലൊന്നും ധാര്‍മികതയുടെയോ മാന്യതയുടെയോ പ്രശ്നം കാണാതെ പല്ലിളിച്ചുകാട്ടുന്ന യുഡിഎഫിലെ മാന്യന്മാര്‍ നാളെ തങ്ങള്‍ക്കെതിരെയും ഇത്തരം അമേധ്യത്തില്‍ മുക്കിയ അമ്പുകള്‍ വരുമ്പോള്‍ എന്തുചെയ്യുമെന്ന് കാത്തിരുന്നുതന്നെ കാണാം.
Showing posts with label ക്രൈം. Show all posts
Showing posts with label ക്രൈം. Show all posts
Tuesday, July 12, 2011
Friday, August 7, 2009
പ്രായാധിക്യം കുറ്റമോ?
"ഞാന്‍ ഇറങ്ങിപ്പോന്നതല്ല; പുറത്തേക്കുപോകാന്‍ നിര്‍ബന്ധിക്കപ്പെട്ടതാണ് "
എം ജെ അക്ബര്‍ എന്ന പ്രമുഖ പത്രപ്രവര്‍ത്തകന്‍ 2008ല്‍ ആദ്യം പരസ്യമായി പറഞ്ഞു. ഏഷ്യന്‍ ഏജ് പത്രത്തിന്റെ മുഖ്യപത്രാധിപസ്ഥാനത്തുനിന്ന് ഒഴിഞ്ഞശേഷമാണ് അദ്ദേഹത്തിന്റെ ഈ പ്രതികരണമുണ്ടായത്. കെ എം റോയ് എന്ന മുതിര്‍ന്ന പത്രപ്രവര്‍ത്തകന്‍ 'മംഗളം' പത്രത്തില്‍ എഴുതുന്നു:
"എന്തിനിങ്ങനെ നാണംകെട്ട് മുഖ്യമന്ത്രി വി എസ് അധികാരത്തില്‍ തുടരുന്നു എന്ന ചോദ്യമുയരുമ്പോഴാണ് ദ ഏഷ്യന്‍ ഏജ് പത്രത്തില്‍ പ്രാധാന്യത്തോടെ വന്ന വാര്‍ത്ത നമ്മുടെ മുമ്പില്‍ തെളിയുന്നത്. പ്രഖ്യാത പത്രപ്രവര്‍ത്തകനായ എം ജെ അക്ബര്‍ പത്രാധിപരായുള്ള ആ ഇംഗ്ളീഷ് പത്രം ഇന്ത്യയിലെ ചില നഗരങ്ങളിലും ലണ്ടനിലും ഒരേസമയം ഇറങ്ങുന്നതാണ്. ഏഷ്യന്‍ ഏജിലെ റിപ്പോര്ട്ട് പറയുന്നത് പ്രകാശ് കാരാട്ട് സിപിഎം ജനറല്‍സെക്രട്ടറിപദം ഒഴിയാന്‍ തയാറെടുക്കുന്നുവെന്നാണ്. താന്‍ രാജിവെക്കുന്ന ഒഴിവില്‍ എസ് രാമചന്ദ്രന്‍പിള്ളയെ ജനറല്‍സെക്രട്ടറിയാക്കാന്‍ കഴിയുമോ എന്നാണ് പ്രകാശ് കാരാട്ട് ഇപ്പോള്‍ ശ്രമിക്കുന്നതത്രെ.''
ഏഷ്യന്‍ ഏജില്‍നിന്ന് രാജിവച്ചിറങ്ങിപ്പോയ എം ജെ അക്ബറിന്റെ പേരില്‍ ഒരു വാര്‍ത്തയ്ക്ക് വിശ്വാസ്യതയുണ്ടാക്കാന്‍ കെ എം റോയി നടത്തിയ അഭ്യാസമായി ഇതിനെ കാണാം. അതല്ലെങ്കില്‍, ലോകത്ത് നടക്കുന്ന പല സംഭവങ്ങളും മനസ്സിലാക്കാതെ ഭൂതകാലത്തില്‍ ജീവിക്കുന്നയാളാണ് കെ എം റോയി എന്നു വിലയിരുത്താം. രണ്ടായാലും എം ജെ അക്ബറിന്റെ പേര് വലിച്ചിഴച്ചതിന് ന്യായീകരണമാകുന്നില്ല.
കെ എം റോയി, ടി ജെ എസ് ജോര്‍ജ് തുടങ്ങിയവര്‍ കേരളത്തിലെ മുതിര്‍ന്ന പത്രപ്രവര്‍ത്തകരാണ്-വെറ്ററന്‍സ് എന്ന് പറയാവുന്നവര്‍. അത്തരക്കാരുടെ വാക്കുകളും നിരീക്ഷണങ്ങളും ഗൌരവത്തോടെയാണ് പുതിയ തലമുറ കാണുക. എവിടെനിന്നെങ്കിലും വീണുകിട്ടുന്ന നുണക്കഥകളും ഊഹാപോഹങ്ങളും യാഥാര്‍ഥ്യമാണെന്ന് തെറ്റിദ്ധരിച്ച് റോയിയെയും ടി ജെ എസിനെയും പോലുള്ളവര്‍ വസ്തുതാവിരുദ്ധമായ രാഷ്ട്രീയ നിഗമനങ്ങളിലെത്തുകയും അവ അച്ചടിച്ചുവരികയും ചെയ്യുന്നത് ചെറുതല്ലാത്ത പ്രത്യാഘാതമാണുണ്ടാക്കുക. പ്രകാശ് കാരാട്ട് രാജിക്കൊരുങ്ങുന്നു എന്നത് ഏഷ്യന്‍ ഏജ് പത്രത്തിലെ ഏതെങ്കിലും റിപ്പോര്‍ട്ടര്‍ക്ക് തോന്നിയ ഭാവനയോ കുബുദ്ധികള്‍ നല്‍കിയ വ്യാജവിവരമോ ആകാം. അത്തരം നിരവധി വാര്‍ത്തകള്‍ 'മംഗളം' പോലുള്ള പത്രങ്ങളില്‍ അച്ചടിച്ചു വരാറുണ്ട്; അവഗണിക്കപ്പെടുകയും ചെയ്യാറുണ്ട്. 'മംഗള' ത്തിലായതുകൊണ്ടാകാം, 'അച്യുതാനന്ദന്‍ കീഴടങ്ങിയോ, തന്ത്രപരമായി പിന്മാറിയോ' എന്ന തലക്കെട്ടിലുള്ള കെ എം റോയിയുടെ ലേഖനവും വലുതായി കേരള സമൂഹത്തില്‍ പരിഗണിക്കപ്പെട്ടിട്ടില്ല. അത് സിപിഐ എമ്മിനെക്കുറിച്ച് പ്രചരിപ്പിക്കപ്പെടുന്ന നൂറുനൂറ് അപവാദങ്ങളില്‍ ഒന്നായി വിസ്മൃതിയിലേക്ക് മാഞ്ഞു. എന്നാല്‍, പ്രഖ്യാപിത കമ്യൂണിസ്റ്റ് വിരോധത്തിന്റെ പേരിലായാല്‍പ്പോലും ഈ മുതിര്‍ന്നവര്‍ വമിപ്പിക്കുന്ന അവാസ്തവ കഥകള്‍ പരിശോധിക്കാതെ വിടുന്നത് സമൂഹത്തോടും മാധ്യമസമൂഹത്തോടും ചെയ്യുന്ന അപരാധമാകും.
സിപിഐ എം ലക്ഷക്കണക്കിന് ബഹുജനങ്ങള്‍ അണിചേര്‍ന്ന രാഷ്ട്രീയപാര്‍ടിയാണെന്നിരിക്കെ അതിന്റെ സമുന്നത നേതൃത്വത്തെക്കുറിച്ച് ഉത്തരവാദരഹിതമായി വ്യാജകഥകള്‍ പ്രചരിപ്പിക്കുന്നത് മാധ്യമധര്‍മത്തിന്റെ പേരിലും സുജനമര്യാദയുടെ പേരിലും വിട്ടുകളയാവുന്ന പ്രശ്നമല്ല. ടി ജെ എസ് ജോര്‍ജ് 'സമകാലിക മലയാളം' വാരികയില്‍ സിപിഐ എം സംസ്ഥാന സെക്രട്ടറിക്ക് സിംഗപ്പൂര്‍-ദുബായ് ബന്ധങ്ങളുണ്ടെന്നെഴുതുന്നു. അതിനാധാരമായ തെളിവുകള്‍ അദേഹത്തിന് എവിടെനിന്നു കിട്ടി എന്ന് നാം ചിന്തിക്കേണ്ടതല്ലേ? ഏറെയൊന്നും പ്രയാസപ്പെടേണ്ടതില്ല. അദ്ദേഹത്തിന്റെ 'സോഴ്സ്' ക്രൈം ദ്വൈവാരികയാണ്. ടി പി നന്ദകുമാര്‍ എന്ന 'അഴിമതി വിരുദ്ധ പോരാട്ട നായകന്‍' പത്രാധിപരായുള്ള അതേ പ്രസിദ്ധീകരണം. നന്ദകുമാറാണ്, പിണറായി വിജയന്‍ നൂറുതവണ സിംഗപ്പൂര്‍-ദുബായ് യാത്ര നടത്തിയെന്ന് എഴുതിയത്. മോഹന്‍ലാലിനും ഗണേശ്കുമാറിനും(മുന്‍ മന്ത്രി) എയ്ഡ്സ് രോഗം ബാധിച്ചെന്നും മോഹന്‍ലാലില്‍നിന്ന് ഗര്‍ഭിണിയായ ചലച്ചിത്രതാരം കാരക്കാസില്‍ ഗര്‍ഭച്ഛിദ്രം നടത്തിയെന്നും മറ്റൊരു പ്രശസ്ത സിനിമാനടി സ്വന്തം നീലച്ചിത്രം ഒരു കോടി രൂപയ്ക്ക് വിറ്റെന്നും എഴുതിയ പ്രസിദ്ധീകരണമാണ് ക്രൈം. തെക്കന്‍ കേരളത്തിലെ ഒരു നിയമസഭാ മണ്ഡലത്തില്‍ മത്സരിച്ച വനിതാ സ്ഥാനാര്‍ഥിയെ അപമാനിക്കാന്‍, ഒരു കുട്ടിയുടെ ചിത്രം കവറില്‍ പ്രസിദ്ധീകരിച്ച്, ഈ കുട്ടിയുടെ പിതാവാര് എന്ന് ചോദിക്കുകയും സര്‍വാദരണീയനായ രാഷ്ട്രീയനേതാവിന്റെ പേര് ഉത്തരമായി പറയുകയുംചെയ്ത ഹീനമനസ്സുള്ള പ്രസിദ്ധീകരണമാണത്.
കോഴിക്കോട്ടങ്ങാടിയില്‍ എഴുപത്തഞ്ച് പൈസയ്ക്ക് മഞ്ഞപ്രസിദ്ധീകരണം വിറ്റുനടന്നയാള്‍ ; മാന്യമായി ജീവിക്കുന്നവരെ ബ്ളാക്ക്മെയില്‍ ചെയ്യാനായി അപവാദങ്ങള്‍ പ്രചരിപ്പിക്കുകയും അതിന്റെ മറവില്‍ ധനസമ്പാദനം നടത്തുകയും ചെയ്യുന്നയാള്‍; കേരളത്തിലെ നിരവധി കോടതികളില്‍ മാനനഷ്ടക്കേസ് നേരിടുന്നയാള്‍; തിരുവനന്തപുരത്തെ ഒരു കോടതി 'ക്രുക്കഡ്' എന്ന സ്ഥാനപ്പേരുനല്‍കിയ ആള്‍-അങ്ങനെ ഒരു മനുഷ്യന്‍ പറയുന്ന യുക്തിക്കും യാഥാര്‍ഥ്യത്തിനും യോജിക്കാത്ത കാര്യങ്ങള്‍ ടി ജെ എസ് ജോര്‍ജിനെപ്പോലുള്ളവര്‍ ഏറ്റെടുത്ത് പുനഃസംപ്രേഷണം ചെയ്താലോ? അത്തരമൊരു തെറ്റ് ചൂണ്ടിക്കാട്ടുന്നത് സമൂഹത്തോടുള്ള അനിവാര്യ കടമയാണെന്നുതന്നെ കരുതേണ്ടതുണ്ട്.
കെ എം റോയിയിലേക്കുതന്നെ മടങ്ങിവരാം. 'അറിയുന്നത്', 'കരുതുന്നത്', 'രഹസ്യ സംഭാഷണത്തില്‍', 'ആരാണ് വിശ്വസിക്കുക', 'അങ്ങനെയാണത്രെ' എന്നിങ്ങനെ തനിക്കുറപ്പില്ലാത്ത കല്‍പ്പനകള്‍ക്കുമുകളില്‍ പടുത്തുയര്‍ത്തിയതാണ് റോയിയുടെ മംഗളം ലേഖനം. എവിടെയൊക്കെയോ വായിച്ചും എവിടെനിന്നോ കേട്ടും മനസ്സില്‍കയറ്റിയ കാര്യങ്ങള്‍ കൂട്ടിക്കുഴച്ച് 'രാഷ്ട്രീയ നിരീക്ഷണ'ത്തിനൊരുമ്പെടുകയാണ് അദ്ദേഹം. സിപിഐ എം പൊളിറ്റ് ബ്യൂറോയില്‍ തീരുമാനമുണ്ടായത് ജനറല്‍ സെക്രട്ടറി എന്ന നിലയിലുള്ള പ്രകാശ് കാരാട്ടിന്റെ അധികാരം ഉപയോഗിച്ചായിരുന്നെന്നും നാലുപേരൊഴികെ മറ്റെല്ലാവരും അതിന് എതിരായിരുന്നെന്നുമാണ് ഒരു 'വെളിപ്പെടുത്തല്‍, അങ്ങനെ എതിര്‍ത്തു എന്ന് മാധ്യമങ്ങള്‍ ആണയിട്ടു പറഞ്ഞ എം കെ പന്ഥെ കേരളത്തില്‍ വന്ന്, അത്തരമൊരു ഭിന്നതയും പിബിയില്‍ ഉണ്ടായിട്ടില്ലെന്നും തന്റെ പേരില്‍ ആരോപിച്ചത് തനിഅസംബന്ധമാണെന്നും വ്യക്തമാക്കിയത് കെ എം റോയി മറന്നേപോയി. പാര്‍ടിയുടെ ഏകകണ്ഠമായ തീരുമാനം പ്രകാശ് കാരാട്ട് കേരളത്തില്‍ വന്ന് പാര്‍ടിപ്രവര്‍ത്തകര്‍ക്ക് വിശദീകരിക്കുകയും എസ്എന്‍സി ലാവ്ലിന്‍ കേസുമായി ബന്ധപ്പെട്ട് കേന്ദ്ര കമ്മിറ്റി അംഗീകരിച്ച രേഖ പരസ്യപ്പെടുത്തുകയും ചെയ്തശേഷമാണ് താന്‍ അസംബന്ധം എഴുന്നള്ളിക്കുന്നതെന്ന ബോധം കെ എം റോയിക്ക് നഷ്ടപ്പെടുന്നിടത്താണ് പ്രായാധിക്യം വില്ലനാകുന്നത്.
ലേഖനത്തിലൊരിടത്ത് അദ്ദേഹം ബംഗാളിലെ ഒരു വക്കീല്‍ കൊടുത്ത ഹര്‍ജിയെക്കുറിച്ച് പറയുന്നു. പ്രതിമാസം 3200 രൂപ വീതം അലവന്‍സ് പറ്റുന്ന ഏഴായിരം സിപിഎം നേതാക്കള്‍ ഇന്ത്യയിലുണ്ടെന്നും അവര്‍ക്കാകെ പ്രതിവര്‍ഷം 27 കോടി രൂപ വേണമെന്നും അതിനെവിടെ പണമെന്നുമാണ് ഹര്‍ജിക്കാരനെ ഉദ്ധരിച്ച് റോയി ആവര്‍ത്തിക്കുന്ന ചോദ്യം. ആ പണം വരുന്നത് അഴിമതിയിലൂടെയാണെന്നും അതില്‍ വി എസ് അച്യുതാനന്ദനും പങ്കുണ്ടെന്നുമാണ് സൂചന. ഇത്തരമൊരു തിരുമണ്ടന്‍ ചോദ്യം കൈക്കിലകൂടാതെ ആവര്‍ത്തിക്കുന്നയാള്‍ ഇന്നാട്ടിലല്ലേ ജീവിക്കുന്നത് എന്നുചോദിക്കാനുള്ള അവകാശം അപമര്യാദയായി ചിത്രീകരിക്കപ്പെടില്ലെന്ന് കരുതുന്നു. സിപിഐ എമ്മിന്റെ മുഴുവന്‍സമയ പ്രവര്‍ത്തകര്‍ വായുഭക്ഷിച്ച് ജീവിക്കണം എന്നുമാത്രമല്ല, അവര്ക്ക് ഉപജീവനത്തിന് അഴിമതി നടത്തിക്കൂടേ എന്ന് കടത്തിപ്പറയുന്നതില്‍ കവിഞ്ഞൊന്നുമല്ല അത്. അഴിമതി അവകാശമായി കാണുന്നവരെയേ റോയി രാഷ്ട്രീയ പ്രവര്‍ത്തകരായി കാണുന്നുള്ളൂ. ലോക്സഭയില്‍ മുന്‍ യുപിഎ സര്‍ക്കാര്‍ അനേകകോടികള്‍ മുടക്കി കുതിരക്കച്ചവടത്തിലൂടെ ഭൂരിപക്ഷം സ്വന്തമാക്കിയപ്പോള്‍ അതില്‍ നിര്‍ണായക പങ്കുവഹിച്ച വയലാര്‍ രവിയുടെ മിടുക്കിനെ പുകഴ്ത്തിയ വ്യക്തിയാണ് കെ എം റോയി. സിപിഐ എമ്മിന് മുഴുവന്‍സമയ പ്രവര്‍ത്തകര്‍ക്ക് നല്‍കാനുള്ള അലവന്‍സ് പാര്‍ടി അംഗങ്ങളില്‍നിന്ന് കിട്ടുന്ന ലെവിയിലൂടെയും പൊതുജനങ്ങളില്‍നിന്ന് സ്വരൂപിക്കുന്ന പാര്‍ടി ഫണ്ടിലൂടെയും സ്വരൂപിക്കാനാവുമെന്ന്, കണ്ണൂരിലെ അബ്ദുള്ളക്കുട്ടി എംപി സ്ഥാനം നഷ്ടപ്പെടുമ്പോള്‍ നടത്തിയ വിലാപത്തില്‍നിന്നുപോലും റോയിക്ക് മനസ്സിലായില്ലേ? പാര്‍ടി 'തന്റെ ശമ്പള'ത്തില്‍നിന്ന് അമിതമായി ലെവി പിരിക്കുന്നു എന്നല്ലേ അബ്ദുള്ളക്കുട്ടി കരഞ്ഞിരുന്നത്?
എ കെ ജി സെന്റര്‍ എയര്‍കണ്ടീഷന്‍ചെയ്ത മണിമേടയാണെന്ന് പറഞ്ഞുപരത്തിയവരുടെ കൂട്ടത്തില്‍ കെ എം റോയി ഉണ്ടോ എന്നറിയില്ല. എന്നാല്‍, കഴിഞ്ഞ ദിവസം മലയാള മനോരമയില്‍ വന്ന ഒരു വാര്‍ത്ത എ കെ ജി സെന്ററില്‍ പുതുതായി പണികഴിപ്പിച്ച സംസ്ഥാന കമ്മിറ്റി ഹാള്‍ എയര്‍കണ്ടീഷന്‍ഡ് ആണ് എന്നാണ്. 'മുഴുവന്‍ എയര്‍കണ്ടീഷന്‍ഡ് ആയ' എ കെ ജി സെന്ററില്‍ ഒരു ഹാള്‍മാത്രം എസി ആക്കിയത് എങ്ങനെ വാര്‍ത്തയാകും? പത്രപ്രവര്‍ത്തനത്തിന്റെ സകലകലയും വശത്താക്കിയ ആചാര്യന്മാര്‍ അത്തരം വാര്‍ത്തയുടെ പൊരുത്തക്കേടും പരിഹാസ്യതയുമല്ലേ വിശകലനം ചെയ്യേണ്ടത്? ലോക്സഭാ തെരഞ്ഞെടുപ്പില്‍ കോണ്‍ഗ്രസ് ഹൈകമാന്‍ഡില്‍നിന്ന്പെട്ടിയിലാക്കി വന്ന കോടികളില്‍ കുറെ ലക്ഷങ്ങള്‍ വിമാനത്താവളത്തില്‍ പിടിച്ചു. കേസും വാര്‍ത്തയും മുക്കി. മുല്ലപ്പള്ളി രാമചന്ദ്രനായി കൊണ്ടുവന്ന അരക്കോടിയില്‍ 25 ലക്ഷം തട്ടിയെടുത്തതു സംബന്ധിച്ച വിവാദവും തെളിവുകളും മുക്കിയിട്ടും മുങ്ങാതെ പുറത്തുവന്നു. കണ്‍മുന്നിലുള്ള ആ തെളിവുകളല്ല, സിപിഐ എമ്മിന്റെ മുഴുവന്‍ സമയപ്രവര്‍ത്തകര്‍ക്ക് സ്വന്തം ജീവനും കുടുംബജീവിതവും നിലനിര്‍ത്താന്‍ പാര്‍ടിഘടകങ്ങള്‍ നല്‍കുന്ന അലവന്‍സിലാണ് റോയിയുടെ ആവേശഭരിതമായ പ്രതികരണം!
മുഖ്യമന്ത്രി വി എസ് അച്യുതാനന്ദനെ നിന്ദാസ്തുതികളോടെ പലയാവര്‍ത്തി പരാമര്‍ശിക്കുന്ന റോയി, പാര്‍ടി കേന്ദ്രകമ്മിറ്റി സ്വീകരിച്ച അച്ചടക്കനടപടി വി എസ് അംഗീകരിച്ചതിലാണ് കുണ്ഠിതപ്പെടുന്നത്. വി എസ് മുഖ്യമന്ത്രിയായി തുടരുന്നതില്‍പ്പരം അപമാനകരമായി മറ്റെന്താണുള്ളതെന്നാണ് ചോദ്യം. ഡല്‍ഹിയില്‍വച്ചുതന്നെ രാജിവച്ചിരുന്നെങ്കില്‍ എത്രയോ ആരാധ്യനായി മാറുമായിരുന്നു എന്ന് ആത്മഗതം. സിപിഐ എം പറയുന്നത് ശരിയാണ്-ഏതെങ്കിലുമൊരു നേതാവിനെ പാര്‍ടിയില്‍നിന്ന് അടര്‍ത്തിയെടുക്കാനുള്ള ആര്‍ത്തിയാണ് പഴക്കംചെന്ന പത്രപ്രവര്‍ത്തക മനസ്സില്‍. അദ്ദേഹം പ്രകാശ് കാരാട്ടില്‍ കാണുന്ന അയോഗ്യത, വി എസ് ഒളിവില്‍ പ്രവര്‍ത്തിക്കുന്ന കാലത്ത് പ്രകാശിന് നിക്കറിടാന്‍പോലും പ്രായമായിട്ടില്ലെന്നതാണ്. അതിന് മറ്റൊരര്‍ഥവുമുണ്ട്. കെ എം റോയി ഇംഗ്ളീഷ് പത്രപ്രവര്‍ത്തനം നടത്തുന്ന കാലത്ത് ജനിച്ചിട്ടുപോലുമില്ലാത്തവര്‍ ഇന്ന് അതേ പത്രത്തില്‍ എഡിറ്റര്‍മാരായിരിക്കുന്നുണ്ട്-മംഗളത്തെ നയിക്കുന്നുമുണ്ട്. അവരോടുള്ള റോയിയുടെ സമീപനവും ഇതുതന്നെയെങ്കില്‍, അദ്ദേഹത്തെ ബാധിച്ചത് പ്രായാധിക്യത്തിന്റെ തകരാറാണെന്ന് ഉറപ്പിച്ചുകൂടേ? അതിനെ നാട്ടിന്‍പുറത്ത് 'അത്തും പിത്തുമാവുക' എന്ന് പറയാറുണ്ട്. അത്തരക്കാര്‍ക്ക് ടി പി നന്ദകുമാറിനെ ആരാധ്യ കഥാപാത്രമായി കൊണ്ടുനടക്കാം; ക്രൈം ദ്വൈവാരികയെ ആധികാരിക വിവരസ്രോതസ്സായി ഉപയോഗിക്കുകയുമാവാം. അവരോട് പരിഷ്കൃത സമൂഹത്തിന് ചെയ്യാനുള്ള ഉചിതമായ കടമ, സഹിഷ്ണുതയോടെയും സഹതാപത്തോടെയും സ്നേഹത്തോടെയും സഹിക്കുക എന്നതുമാത്രമാണ്. പ്രായാധിക്യവും അതിന്റെ ഭാഗമായ പ്രശ്നങ്ങളും ഒരു കുറ്റമല്ല എന്ന് എല്ലായ്പ്പോഴും ഓര്‍മിക്കപ്പെടേണ്ടതുണ്ട്.
എം ജെ അക്ബര്‍ എന്ന പ്രമുഖ പത്രപ്രവര്‍ത്തകന്‍ 2008ല്‍ ആദ്യം പരസ്യമായി പറഞ്ഞു. ഏഷ്യന്‍ ഏജ് പത്രത്തിന്റെ മുഖ്യപത്രാധിപസ്ഥാനത്തുനിന്ന് ഒഴിഞ്ഞശേഷമാണ് അദ്ദേഹത്തിന്റെ ഈ പ്രതികരണമുണ്ടായത്. കെ എം റോയ് എന്ന മുതിര്‍ന്ന പത്രപ്രവര്‍ത്തകന്‍ 'മംഗളം' പത്രത്തില്‍ എഴുതുന്നു:
"എന്തിനിങ്ങനെ നാണംകെട്ട് മുഖ്യമന്ത്രി വി എസ് അധികാരത്തില്‍ തുടരുന്നു എന്ന ചോദ്യമുയരുമ്പോഴാണ് ദ ഏഷ്യന്‍ ഏജ് പത്രത്തില്‍ പ്രാധാന്യത്തോടെ വന്ന വാര്‍ത്ത നമ്മുടെ മുമ്പില്‍ തെളിയുന്നത്. പ്രഖ്യാത പത്രപ്രവര്‍ത്തകനായ എം ജെ അക്ബര്‍ പത്രാധിപരായുള്ള ആ ഇംഗ്ളീഷ് പത്രം ഇന്ത്യയിലെ ചില നഗരങ്ങളിലും ലണ്ടനിലും ഒരേസമയം ഇറങ്ങുന്നതാണ്. ഏഷ്യന്‍ ഏജിലെ റിപ്പോര്ട്ട് പറയുന്നത് പ്രകാശ് കാരാട്ട് സിപിഎം ജനറല്‍സെക്രട്ടറിപദം ഒഴിയാന്‍ തയാറെടുക്കുന്നുവെന്നാണ്. താന്‍ രാജിവെക്കുന്ന ഒഴിവില്‍ എസ് രാമചന്ദ്രന്‍പിള്ളയെ ജനറല്‍സെക്രട്ടറിയാക്കാന്‍ കഴിയുമോ എന്നാണ് പ്രകാശ് കാരാട്ട് ഇപ്പോള്‍ ശ്രമിക്കുന്നതത്രെ.''
ഏഷ്യന്‍ ഏജില്‍നിന്ന് രാജിവച്ചിറങ്ങിപ്പോയ എം ജെ അക്ബറിന്റെ പേരില്‍ ഒരു വാര്‍ത്തയ്ക്ക് വിശ്വാസ്യതയുണ്ടാക്കാന്‍ കെ എം റോയി നടത്തിയ അഭ്യാസമായി ഇതിനെ കാണാം. അതല്ലെങ്കില്‍, ലോകത്ത് നടക്കുന്ന പല സംഭവങ്ങളും മനസ്സിലാക്കാതെ ഭൂതകാലത്തില്‍ ജീവിക്കുന്നയാളാണ് കെ എം റോയി എന്നു വിലയിരുത്താം. രണ്ടായാലും എം ജെ അക്ബറിന്റെ പേര് വലിച്ചിഴച്ചതിന് ന്യായീകരണമാകുന്നില്ല.
കെ എം റോയി, ടി ജെ എസ് ജോര്‍ജ് തുടങ്ങിയവര്‍ കേരളത്തിലെ മുതിര്‍ന്ന പത്രപ്രവര്‍ത്തകരാണ്-വെറ്ററന്‍സ് എന്ന് പറയാവുന്നവര്‍. അത്തരക്കാരുടെ വാക്കുകളും നിരീക്ഷണങ്ങളും ഗൌരവത്തോടെയാണ് പുതിയ തലമുറ കാണുക. എവിടെനിന്നെങ്കിലും വീണുകിട്ടുന്ന നുണക്കഥകളും ഊഹാപോഹങ്ങളും യാഥാര്‍ഥ്യമാണെന്ന് തെറ്റിദ്ധരിച്ച് റോയിയെയും ടി ജെ എസിനെയും പോലുള്ളവര്‍ വസ്തുതാവിരുദ്ധമായ രാഷ്ട്രീയ നിഗമനങ്ങളിലെത്തുകയും അവ അച്ചടിച്ചുവരികയും ചെയ്യുന്നത് ചെറുതല്ലാത്ത പ്രത്യാഘാതമാണുണ്ടാക്കുക. പ്രകാശ് കാരാട്ട് രാജിക്കൊരുങ്ങുന്നു എന്നത് ഏഷ്യന്‍ ഏജ് പത്രത്തിലെ ഏതെങ്കിലും റിപ്പോര്‍ട്ടര്‍ക്ക് തോന്നിയ ഭാവനയോ കുബുദ്ധികള്‍ നല്‍കിയ വ്യാജവിവരമോ ആകാം. അത്തരം നിരവധി വാര്‍ത്തകള്‍ 'മംഗളം' പോലുള്ള പത്രങ്ങളില്‍ അച്ചടിച്ചു വരാറുണ്ട്; അവഗണിക്കപ്പെടുകയും ചെയ്യാറുണ്ട്. 'മംഗള' ത്തിലായതുകൊണ്ടാകാം, 'അച്യുതാനന്ദന്‍ കീഴടങ്ങിയോ, തന്ത്രപരമായി പിന്മാറിയോ' എന്ന തലക്കെട്ടിലുള്ള കെ എം റോയിയുടെ ലേഖനവും വലുതായി കേരള സമൂഹത്തില്‍ പരിഗണിക്കപ്പെട്ടിട്ടില്ല. അത് സിപിഐ എമ്മിനെക്കുറിച്ച് പ്രചരിപ്പിക്കപ്പെടുന്ന നൂറുനൂറ് അപവാദങ്ങളില്‍ ഒന്നായി വിസ്മൃതിയിലേക്ക് മാഞ്ഞു. എന്നാല്‍, പ്രഖ്യാപിത കമ്യൂണിസ്റ്റ് വിരോധത്തിന്റെ പേരിലായാല്‍പ്പോലും ഈ മുതിര്‍ന്നവര്‍ വമിപ്പിക്കുന്ന അവാസ്തവ കഥകള്‍ പരിശോധിക്കാതെ വിടുന്നത് സമൂഹത്തോടും മാധ്യമസമൂഹത്തോടും ചെയ്യുന്ന അപരാധമാകും.
സിപിഐ എം ലക്ഷക്കണക്കിന് ബഹുജനങ്ങള്‍ അണിചേര്‍ന്ന രാഷ്ട്രീയപാര്‍ടിയാണെന്നിരിക്കെ അതിന്റെ സമുന്നത നേതൃത്വത്തെക്കുറിച്ച് ഉത്തരവാദരഹിതമായി വ്യാജകഥകള്‍ പ്രചരിപ്പിക്കുന്നത് മാധ്യമധര്‍മത്തിന്റെ പേരിലും സുജനമര്യാദയുടെ പേരിലും വിട്ടുകളയാവുന്ന പ്രശ്നമല്ല. ടി ജെ എസ് ജോര്‍ജ് 'സമകാലിക മലയാളം' വാരികയില്‍ സിപിഐ എം സംസ്ഥാന സെക്രട്ടറിക്ക് സിംഗപ്പൂര്‍-ദുബായ് ബന്ധങ്ങളുണ്ടെന്നെഴുതുന്നു. അതിനാധാരമായ തെളിവുകള്‍ അദേഹത്തിന് എവിടെനിന്നു കിട്ടി എന്ന് നാം ചിന്തിക്കേണ്ടതല്ലേ? ഏറെയൊന്നും പ്രയാസപ്പെടേണ്ടതില്ല. അദ്ദേഹത്തിന്റെ 'സോഴ്സ്' ക്രൈം ദ്വൈവാരികയാണ്. ടി പി നന്ദകുമാര്‍ എന്ന 'അഴിമതി വിരുദ്ധ പോരാട്ട നായകന്‍' പത്രാധിപരായുള്ള അതേ പ്രസിദ്ധീകരണം. നന്ദകുമാറാണ്, പിണറായി വിജയന്‍ നൂറുതവണ സിംഗപ്പൂര്‍-ദുബായ് യാത്ര നടത്തിയെന്ന് എഴുതിയത്. മോഹന്‍ലാലിനും ഗണേശ്കുമാറിനും(മുന്‍ മന്ത്രി) എയ്ഡ്സ് രോഗം ബാധിച്ചെന്നും മോഹന്‍ലാലില്‍നിന്ന് ഗര്‍ഭിണിയായ ചലച്ചിത്രതാരം കാരക്കാസില്‍ ഗര്‍ഭച്ഛിദ്രം നടത്തിയെന്നും മറ്റൊരു പ്രശസ്ത സിനിമാനടി സ്വന്തം നീലച്ചിത്രം ഒരു കോടി രൂപയ്ക്ക് വിറ്റെന്നും എഴുതിയ പ്രസിദ്ധീകരണമാണ് ക്രൈം. തെക്കന്‍ കേരളത്തിലെ ഒരു നിയമസഭാ മണ്ഡലത്തില്‍ മത്സരിച്ച വനിതാ സ്ഥാനാര്‍ഥിയെ അപമാനിക്കാന്‍, ഒരു കുട്ടിയുടെ ചിത്രം കവറില്‍ പ്രസിദ്ധീകരിച്ച്, ഈ കുട്ടിയുടെ പിതാവാര് എന്ന് ചോദിക്കുകയും സര്‍വാദരണീയനായ രാഷ്ട്രീയനേതാവിന്റെ പേര് ഉത്തരമായി പറയുകയുംചെയ്ത ഹീനമനസ്സുള്ള പ്രസിദ്ധീകരണമാണത്.
കോഴിക്കോട്ടങ്ങാടിയില്‍ എഴുപത്തഞ്ച് പൈസയ്ക്ക് മഞ്ഞപ്രസിദ്ധീകരണം വിറ്റുനടന്നയാള്‍ ; മാന്യമായി ജീവിക്കുന്നവരെ ബ്ളാക്ക്മെയില്‍ ചെയ്യാനായി അപവാദങ്ങള്‍ പ്രചരിപ്പിക്കുകയും അതിന്റെ മറവില്‍ ധനസമ്പാദനം നടത്തുകയും ചെയ്യുന്നയാള്‍; കേരളത്തിലെ നിരവധി കോടതികളില്‍ മാനനഷ്ടക്കേസ് നേരിടുന്നയാള്‍; തിരുവനന്തപുരത്തെ ഒരു കോടതി 'ക്രുക്കഡ്' എന്ന സ്ഥാനപ്പേരുനല്‍കിയ ആള്‍-അങ്ങനെ ഒരു മനുഷ്യന്‍ പറയുന്ന യുക്തിക്കും യാഥാര്‍ഥ്യത്തിനും യോജിക്കാത്ത കാര്യങ്ങള്‍ ടി ജെ എസ് ജോര്‍ജിനെപ്പോലുള്ളവര്‍ ഏറ്റെടുത്ത് പുനഃസംപ്രേഷണം ചെയ്താലോ? അത്തരമൊരു തെറ്റ് ചൂണ്ടിക്കാട്ടുന്നത് സമൂഹത്തോടുള്ള അനിവാര്യ കടമയാണെന്നുതന്നെ കരുതേണ്ടതുണ്ട്.
കെ എം റോയിയിലേക്കുതന്നെ മടങ്ങിവരാം. 'അറിയുന്നത്', 'കരുതുന്നത്', 'രഹസ്യ സംഭാഷണത്തില്‍', 'ആരാണ് വിശ്വസിക്കുക', 'അങ്ങനെയാണത്രെ' എന്നിങ്ങനെ തനിക്കുറപ്പില്ലാത്ത കല്‍പ്പനകള്‍ക്കുമുകളില്‍ പടുത്തുയര്‍ത്തിയതാണ് റോയിയുടെ മംഗളം ലേഖനം. എവിടെയൊക്കെയോ വായിച്ചും എവിടെനിന്നോ കേട്ടും മനസ്സില്‍കയറ്റിയ കാര്യങ്ങള്‍ കൂട്ടിക്കുഴച്ച് 'രാഷ്ട്രീയ നിരീക്ഷണ'ത്തിനൊരുമ്പെടുകയാണ് അദ്ദേഹം. സിപിഐ എം പൊളിറ്റ് ബ്യൂറോയില്‍ തീരുമാനമുണ്ടായത് ജനറല്‍ സെക്രട്ടറി എന്ന നിലയിലുള്ള പ്രകാശ് കാരാട്ടിന്റെ അധികാരം ഉപയോഗിച്ചായിരുന്നെന്നും നാലുപേരൊഴികെ മറ്റെല്ലാവരും അതിന് എതിരായിരുന്നെന്നുമാണ് ഒരു 'വെളിപ്പെടുത്തല്‍, അങ്ങനെ എതിര്‍ത്തു എന്ന് മാധ്യമങ്ങള്‍ ആണയിട്ടു പറഞ്ഞ എം കെ പന്ഥെ കേരളത്തില്‍ വന്ന്, അത്തരമൊരു ഭിന്നതയും പിബിയില്‍ ഉണ്ടായിട്ടില്ലെന്നും തന്റെ പേരില്‍ ആരോപിച്ചത് തനിഅസംബന്ധമാണെന്നും വ്യക്തമാക്കിയത് കെ എം റോയി മറന്നേപോയി. പാര്‍ടിയുടെ ഏകകണ്ഠമായ തീരുമാനം പ്രകാശ് കാരാട്ട് കേരളത്തില്‍ വന്ന് പാര്‍ടിപ്രവര്‍ത്തകര്‍ക്ക് വിശദീകരിക്കുകയും എസ്എന്‍സി ലാവ്ലിന്‍ കേസുമായി ബന്ധപ്പെട്ട് കേന്ദ്ര കമ്മിറ്റി അംഗീകരിച്ച രേഖ പരസ്യപ്പെടുത്തുകയും ചെയ്തശേഷമാണ് താന്‍ അസംബന്ധം എഴുന്നള്ളിക്കുന്നതെന്ന ബോധം കെ എം റോയിക്ക് നഷ്ടപ്പെടുന്നിടത്താണ് പ്രായാധിക്യം വില്ലനാകുന്നത്.
ലേഖനത്തിലൊരിടത്ത് അദ്ദേഹം ബംഗാളിലെ ഒരു വക്കീല്‍ കൊടുത്ത ഹര്‍ജിയെക്കുറിച്ച് പറയുന്നു. പ്രതിമാസം 3200 രൂപ വീതം അലവന്‍സ് പറ്റുന്ന ഏഴായിരം സിപിഎം നേതാക്കള്‍ ഇന്ത്യയിലുണ്ടെന്നും അവര്‍ക്കാകെ പ്രതിവര്‍ഷം 27 കോടി രൂപ വേണമെന്നും അതിനെവിടെ പണമെന്നുമാണ് ഹര്‍ജിക്കാരനെ ഉദ്ധരിച്ച് റോയി ആവര്‍ത്തിക്കുന്ന ചോദ്യം. ആ പണം വരുന്നത് അഴിമതിയിലൂടെയാണെന്നും അതില്‍ വി എസ് അച്യുതാനന്ദനും പങ്കുണ്ടെന്നുമാണ് സൂചന. ഇത്തരമൊരു തിരുമണ്ടന്‍ ചോദ്യം കൈക്കിലകൂടാതെ ആവര്‍ത്തിക്കുന്നയാള്‍ ഇന്നാട്ടിലല്ലേ ജീവിക്കുന്നത് എന്നുചോദിക്കാനുള്ള അവകാശം അപമര്യാദയായി ചിത്രീകരിക്കപ്പെടില്ലെന്ന് കരുതുന്നു. സിപിഐ എമ്മിന്റെ മുഴുവന്‍സമയ പ്രവര്‍ത്തകര്‍ വായുഭക്ഷിച്ച് ജീവിക്കണം എന്നുമാത്രമല്ല, അവര്ക്ക് ഉപജീവനത്തിന് അഴിമതി നടത്തിക്കൂടേ എന്ന് കടത്തിപ്പറയുന്നതില്‍ കവിഞ്ഞൊന്നുമല്ല അത്. അഴിമതി അവകാശമായി കാണുന്നവരെയേ റോയി രാഷ്ട്രീയ പ്രവര്‍ത്തകരായി കാണുന്നുള്ളൂ. ലോക്സഭയില്‍ മുന്‍ യുപിഎ സര്‍ക്കാര്‍ അനേകകോടികള്‍ മുടക്കി കുതിരക്കച്ചവടത്തിലൂടെ ഭൂരിപക്ഷം സ്വന്തമാക്കിയപ്പോള്‍ അതില്‍ നിര്‍ണായക പങ്കുവഹിച്ച വയലാര്‍ രവിയുടെ മിടുക്കിനെ പുകഴ്ത്തിയ വ്യക്തിയാണ് കെ എം റോയി. സിപിഐ എമ്മിന് മുഴുവന്‍സമയ പ്രവര്‍ത്തകര്‍ക്ക് നല്‍കാനുള്ള അലവന്‍സ് പാര്‍ടി അംഗങ്ങളില്‍നിന്ന് കിട്ടുന്ന ലെവിയിലൂടെയും പൊതുജനങ്ങളില്‍നിന്ന് സ്വരൂപിക്കുന്ന പാര്‍ടി ഫണ്ടിലൂടെയും സ്വരൂപിക്കാനാവുമെന്ന്, കണ്ണൂരിലെ അബ്ദുള്ളക്കുട്ടി എംപി സ്ഥാനം നഷ്ടപ്പെടുമ്പോള്‍ നടത്തിയ വിലാപത്തില്‍നിന്നുപോലും റോയിക്ക് മനസ്സിലായില്ലേ? പാര്‍ടി 'തന്റെ ശമ്പള'ത്തില്‍നിന്ന് അമിതമായി ലെവി പിരിക്കുന്നു എന്നല്ലേ അബ്ദുള്ളക്കുട്ടി കരഞ്ഞിരുന്നത്?
എ കെ ജി സെന്റര്‍ എയര്‍കണ്ടീഷന്‍ചെയ്ത മണിമേടയാണെന്ന് പറഞ്ഞുപരത്തിയവരുടെ കൂട്ടത്തില്‍ കെ എം റോയി ഉണ്ടോ എന്നറിയില്ല. എന്നാല്‍, കഴിഞ്ഞ ദിവസം മലയാള മനോരമയില്‍ വന്ന ഒരു വാര്‍ത്ത എ കെ ജി സെന്ററില്‍ പുതുതായി പണികഴിപ്പിച്ച സംസ്ഥാന കമ്മിറ്റി ഹാള്‍ എയര്‍കണ്ടീഷന്‍ഡ് ആണ് എന്നാണ്. 'മുഴുവന്‍ എയര്‍കണ്ടീഷന്‍ഡ് ആയ' എ കെ ജി സെന്ററില്‍ ഒരു ഹാള്‍മാത്രം എസി ആക്കിയത് എങ്ങനെ വാര്‍ത്തയാകും? പത്രപ്രവര്‍ത്തനത്തിന്റെ സകലകലയും വശത്താക്കിയ ആചാര്യന്മാര്‍ അത്തരം വാര്‍ത്തയുടെ പൊരുത്തക്കേടും പരിഹാസ്യതയുമല്ലേ വിശകലനം ചെയ്യേണ്ടത്? ലോക്സഭാ തെരഞ്ഞെടുപ്പില്‍ കോണ്‍ഗ്രസ് ഹൈകമാന്‍ഡില്‍നിന്ന്പെട്ടിയിലാക്കി വന്ന കോടികളില്‍ കുറെ ലക്ഷങ്ങള്‍ വിമാനത്താവളത്തില്‍ പിടിച്ചു. കേസും വാര്‍ത്തയും മുക്കി. മുല്ലപ്പള്ളി രാമചന്ദ്രനായി കൊണ്ടുവന്ന അരക്കോടിയില്‍ 25 ലക്ഷം തട്ടിയെടുത്തതു സംബന്ധിച്ച വിവാദവും തെളിവുകളും മുക്കിയിട്ടും മുങ്ങാതെ പുറത്തുവന്നു. കണ്‍മുന്നിലുള്ള ആ തെളിവുകളല്ല, സിപിഐ എമ്മിന്റെ മുഴുവന്‍ സമയപ്രവര്‍ത്തകര്‍ക്ക് സ്വന്തം ജീവനും കുടുംബജീവിതവും നിലനിര്‍ത്താന്‍ പാര്‍ടിഘടകങ്ങള്‍ നല്‍കുന്ന അലവന്‍സിലാണ് റോയിയുടെ ആവേശഭരിതമായ പ്രതികരണം!
മുഖ്യമന്ത്രി വി എസ് അച്യുതാനന്ദനെ നിന്ദാസ്തുതികളോടെ പലയാവര്‍ത്തി പരാമര്‍ശിക്കുന്ന റോയി, പാര്‍ടി കേന്ദ്രകമ്മിറ്റി സ്വീകരിച്ച അച്ചടക്കനടപടി വി എസ് അംഗീകരിച്ചതിലാണ് കുണ്ഠിതപ്പെടുന്നത്. വി എസ് മുഖ്യമന്ത്രിയായി തുടരുന്നതില്‍പ്പരം അപമാനകരമായി മറ്റെന്താണുള്ളതെന്നാണ് ചോദ്യം. ഡല്‍ഹിയില്‍വച്ചുതന്നെ രാജിവച്ചിരുന്നെങ്കില്‍ എത്രയോ ആരാധ്യനായി മാറുമായിരുന്നു എന്ന് ആത്മഗതം. സിപിഐ എം പറയുന്നത് ശരിയാണ്-ഏതെങ്കിലുമൊരു നേതാവിനെ പാര്‍ടിയില്‍നിന്ന് അടര്‍ത്തിയെടുക്കാനുള്ള ആര്‍ത്തിയാണ് പഴക്കംചെന്ന പത്രപ്രവര്‍ത്തക മനസ്സില്‍. അദ്ദേഹം പ്രകാശ് കാരാട്ടില്‍ കാണുന്ന അയോഗ്യത, വി എസ് ഒളിവില്‍ പ്രവര്‍ത്തിക്കുന്ന കാലത്ത് പ്രകാശിന് നിക്കറിടാന്‍പോലും പ്രായമായിട്ടില്ലെന്നതാണ്. അതിന് മറ്റൊരര്‍ഥവുമുണ്ട്. കെ എം റോയി ഇംഗ്ളീഷ് പത്രപ്രവര്‍ത്തനം നടത്തുന്ന കാലത്ത് ജനിച്ചിട്ടുപോലുമില്ലാത്തവര്‍ ഇന്ന് അതേ പത്രത്തില്‍ എഡിറ്റര്‍മാരായിരിക്കുന്നുണ്ട്-മംഗളത്തെ നയിക്കുന്നുമുണ്ട്. അവരോടുള്ള റോയിയുടെ സമീപനവും ഇതുതന്നെയെങ്കില്‍, അദ്ദേഹത്തെ ബാധിച്ചത് പ്രായാധിക്യത്തിന്റെ തകരാറാണെന്ന് ഉറപ്പിച്ചുകൂടേ? അതിനെ നാട്ടിന്‍പുറത്ത് 'അത്തും പിത്തുമാവുക' എന്ന് പറയാറുണ്ട്. അത്തരക്കാര്‍ക്ക് ടി പി നന്ദകുമാറിനെ ആരാധ്യ കഥാപാത്രമായി കൊണ്ടുനടക്കാം; ക്രൈം ദ്വൈവാരികയെ ആധികാരിക വിവരസ്രോതസ്സായി ഉപയോഗിക്കുകയുമാവാം. അവരോട് പരിഷ്കൃത സമൂഹത്തിന് ചെയ്യാനുള്ള ഉചിതമായ കടമ, സഹിഷ്ണുതയോടെയും സഹതാപത്തോടെയും സ്നേഹത്തോടെയും സഹിക്കുക എന്നതുമാത്രമാണ്. പ്രായാധിക്യവും അതിന്റെ ഭാഗമായ പ്രശ്നങ്ങളും ഒരു കുറ്റമല്ല എന്ന് എല്ലായ്പ്പോഴും ഓര്‍മിക്കപ്പെടേണ്ടതുണ്ട്.
Thursday, April 16, 2009
ക്രൈം
ഈ വാര്‍ത മനൊരമയില്‍ കാണില്ല. ഈ പടം മറ്റൊരു പത്രത്തിലും കാണില്ല.
കേരളത്തിലെ മാധ്യമ കാപട്യത്തിനു തെളിവായി ഈ വാര്‍ത്തയ്ക്കുവേണ്ടി തപ്പിനോക്കുക ...
ഇതാണ് യഥാര്ത്ഥ ക്രൈം .
വോട്ടര്‍മാര്‍ക്ക് പണം നല്‍കുന്നതിനിടെ
കോണ്‍ഗ്രസ്് നേതാക്കള്‍ പിടിയില്‍
വടക്കഞ്ചേരി: വോട്ടര്‍മാര്‍ക്ക് കൊടുക്കാന്‍ പണവും അശ്ളീലവാരികകളുമായി പോയ കോണ്‍ഗ്രസ് നേതാക്കള്‍ പൊലീസ് പിടിയിലായി. ആലത്തൂര്‍ ലോകസഭാമണ്ഡലത്തിലാണ് സംഭവം.
പാലക്കാട് ഡിസിസി അംഗം പി എം അബ്ദുള്‍റഹ്മാന്‍, ആലത്തൂര്‍ ബ്ളോക്ക് പ്രസിഡന്റ് അബ്ദുള്‍റഹ്മാന്‍, കിഴക്കഞ്ചേരി മണ്ഡലം പ്രസിഡന്റ് വി ഒ വര്‍ഗീസ്, കിഴക്കഞ്ചേരി സര്‍വീസ് കോ-ഓപറേറ്റീവ് ബാങ്ക് വൈസ് പ്രസിഡന്റ് എം കെ ശ്രീനിവാസന്‍, യൂത്ത് കോണ്‍ഗ്രസ് കിഴക്കഞ്ചേരി മണ്ഡലം പ്രസിഡന്റ് പ്രശാന്ത്, ഇളങ്കാവ് സണ്ണി എന്നിവരാണ് പിടിയിലായത്.
ബുധനാഴ്ച പകല്‍ ഒന്നിന് കിഴക്കഞ്ചേരി കണിയമംഗലം വക്കാല ഭാഗത്ത് സ്ക്വാഡ് ഇറങ്ങിയ എല്‍ഡിഎഫ് പ്രവര്‍ത്തകര്‍, പാതയോരത്ത് നിര്‍ത്തിയിട്ട കെഎല്‍ 8 എ-എച്ച് 479 ടവേര വാനിലും കെഎല്‍ 11 സി 3036 നമ്പര്‍ ജീപ്പിലും എല്‍ഡിഎഫിനെ അധിക്ഷേപിക്കുന്ന നൂറുകണക്കിന് ക്രൈം വാരികകള്‍ കണ്ടെത്തി. കോണ്‍ഗ്രസ്നേതാക്കള്‍ റോഡിനോടു ചേര്‍ന്നുള്ള വീട്ടില്‍ പണം നല്‍കുന്നതും കണ്ടു. എന്നാല്‍, പണം വീട്ടുടമ നിരസിച്ചു.
വീട്ടുടമയും കോണ്‍ഗ്രസ് നേതാക്കളും തമ്മിലുണ്ടായ വാക്കുതര്‍ക്കത്തിനിടെ എത്തിയ എല്‍ഡിഎഫ്പ്രവര്‍ത്തകര്‍ കോണ്‍ഗ്രസ്കാരെ പിടികൂടി. തുടര്‍ന്ന് വാഹനങ്ങള്‍ പരിശോധിച്ചപ്പോള്‍ 1000, 1500, 500 രൂപ വീതം കവറിലാക്കിയനിലയില്‍ 1,26,000 രൂപ, യുഡിഎഫ് ആലത്തൂര്‍ മണ്ഡലം ചെയര്‍മാന്റെ ഒപ്പോടുകൂടിയ കത്ത്, പണംവാങ്ങിയ വ്യക്തികള്‍ ഒപ്പിട്ട ബുക്ക് എന്നിവയും കണ്ടെത്തി. കിഴക്കഞ്ചേരി, വണ്ടാഴി പഞ്ചായത്തുകളിലെ മലയോരമേഖലകള്‍ കേന്ദ്രീകരിച്ച് പണംനല്‍കി വോട്ടുപിടിക്കാനുള്ള പദ്ധതിയായിരുന്നു കോണ്‍ഗ്രസിന്റേത്.
വിവരമറിഞ്ഞ് ആലത്തൂര്‍ ഡിവൈഎസ്പി ടി എസ് ജോസഫ്, വടക്കഞ്ചേരി സിഐ പി സി ബിജുകുമാര്‍, മംഗലംഡാം എസ്ഐ ദിലീപ് എന്നിവരെത്തി പ്രതികളെയും പണവും വാഹനങ്ങളും കസ്റ്റഡിയിലെടുത്തു. പണവും മഞ്ഞപ്പത്രവും ഇറക്കി ജനവികാരം അട്ടിമറിക്കാമെന്ന കോണ്‍ഗ്രസ് മോഹം വിലപ്പോകില്ലെന്ന് സിപിഐ എം സംസ്ഥാന സെക്രട്ടറിയറ്റ് അംഗം എ കെ ബാലന്‍ പറഞ്ഞു. പ്രചാരണം പൂര്‍ത്തിയായതോടെ, എല്‍ഡിഎഫ് വന്‍വിജയം നേടുമെന്ന് വ്യക്തമായി. ഇതില്‍ വിറളിപിടിച്ചാണ് സംസ്കാരശൂന്യമായ നടപടികളുമായി രംഗത്തിറങ്ങിയതെന്ന് എ കെ ബാലന്‍ പറഞ്ഞു.
Wednesday, April 8, 2009
അച്ഛന്‍ പത്തായത്തിലോ പുറത്തോ
വീരന് ക്രൈമില്‍ 
കോഴിക്കോട് മണ്ഡലത്തിലെ എല്‍ഡിഎഫ് സ്ഥാനാര്‍ത്ഥി മുഹമ്മദ് റിയാസിനെതിരെ ക്രൈം ആപ്പീസില്‍ വലിയൊരു 'ബോംബ്' തയാറായിട്ടുണ്ടെന്നാണ് വിവരം. റിയാസിനെതിരെ കുറെ നാളായി തെറ്റായ പ്രചാരണം നടക്കുന്നു. പെട്ടെന്ന് പൊട്ടിമുളച്ച് തഴച്ചുവളര്‍ന്ന വ്യാജവിവരം എവിടെനിന്നാണ് എന്ന് തുടക്കത്തില്‍ എല്ലാവരും സംശയിച്ചിരുന്നു. ഇപ്പോള്‍ സംശയമില്ല-രണ്ടുപേര്‍ അതിന്റെ പിതൃത്വം സ്വയം ഏറ്റെടുത്തിരിക്കുന്നു. എം പി വീരേന്ദ്രകുമാറും ക്രൈം നന്ദകുമാറും.
വീരേന്ദ്രകുമാര്‍ പരസ്യമായി പറഞ്ഞത്, മുഹമ്മദ് റിയാസ് 'ഫാരിസ് അബൂബക്കറിന്റെ ബിനാമി'യാണെന്നാണ്. റിയാസിന്റെ ബാപ്പയെക്കുറിച്ചും പറഞ്ഞു പച്ചക്കള്ളം. വീരനെപ്പോലൊരു നേതാവ് ഇങ്ങനെയൊക്കെ പറയാമോ എന്ന് നമുക്ക് ശങ്കിക്കാം. ആ ളങ്കയും പക്ഷേ നടേ പറഞ്ഞ കാപട്യമാണ്. വീരന് എന്താണ് പറഞ്ഞുകൂടാത്തത്? ആര്‍ക്കൊക്കെ എതിരായാണ് 'ആട്ടുകല്ലുമുക്ക്' സ്ഥാപിച്ചുകൂടാത്തത്?
നന്ദകുമാറും വീരേന്ദ്രകുമാറും തമ്മില്‍ എന്താണ് ബന്ധം? ഇവിടെ കാണുന്ന ചിത്രം നന്ദകുമാറിനെ ആശ്വസിപ്പിക്കാന്‍ പാഞ്ഞെത്തിയ രക്ഷിതാവിന്റേതാണ്. നാട്ടില്‍ മാനംമര്യാദയായി ജീവിക്കുന്നവര്‍ക്കെതിരെ കള്ളക്കഥകളെഴുതി, കൃത്രിമരേഖ ചമച്ച് പ്രചരിപ്പിക്കുകയും അങ്ങനെ ചെയ്യുമെന്ന് ഭീഷണിപ്പെടുത്തി ബ്ളാക്മെയില്‍ ചെയ്ത് പലരില്‍നിന്നു പണം പിടുങ്ങുകയും ചെയ്യുന്നവരെ സംരക്ഷിക്കാന്‍ ആരെങ്കിലും നില്‍ക്കുന്നുണ്ടെങ്കില്‍ അതല്ലേ സമ്പന്നമായ പിതൃശൂന്യത? അതിനെ അങ്ങനെ കാണാനും അത്തരക്കാര്‍ മുന്നില്‍ വരുമ്പോള്‍, 'പിതൃശൂന്യാ' എന്ന് സംസകൃതത്തിലെങ്കിലും വിളിക്കാനും നമുക്കുകഴിയുന്നില്ല-നമ്മുടെ കാപട്യം കൊണ്ടുമാത്രമല്ല അത്. അപ്പൊഴേക്കും സദാചാര പൊലീസ് രംഗത്തെത്തും. ഭാഷയെക്കുറിച്ചും പ്രയോഗത്തിലെ അരുതായ്മകളെക്കുറിച്ചും പ്രബന്ധങ്ങളും പ്രഭാഷണങ്ങളുമുണ്ടാകും. 'തന്തയില്ലായ്മ കാണിക്കുന്നവരെപ്പോലെയല്ലല്ലോ നിങ്ങള്‍' എന്നുള്ള സാരോപദേശമെങ്കിലും കേള്‍ക്കേണ്ടിവരും. വന്നുവന്ന്, സാരോപദേശങ്ങളും കള്ളന്‍മാര്‍ക്ക് കവചമാകുന്നു.
2006ലെ നിയമസഭാ തെരഞ്ഞെടുപ്പിന് തൊട്ടുമുമ്പ് നാട്ടിലാകെ 'ക്രൈം' ഇറക്കാനായിരുന്നു തയാറെടുപ്പ്. സ്ഥാനാര്‍ത്ഥികള്‍ക്കെതിരെ, നേതാക്കള്‍ക്കെതിരെ സചിത്ര കഥകള്‍. അവയില്‍ അശ്ളീലവും അപവാദവും. ഓരോ മണ്ഡലത്തിലും പ്രത്യേക പതിപ്പായിരുന്നു. മോര്‍ഫുചെയ്തതും മോഷ്ടിച്ചെടുത്ത് തെറ്റായ അടിക്കുറിപ്പുനല്‍കിയതുമായ അനേകം ചിത്രങ്ങള്‍ വന്നു. അതിന് അനുബന്ധമായി കല്‍പിത കഥകള്‍ വന്നു. അന്ന് അച്ചടിച്ചുകുന്നുകൂട്ടിയ അനേകം കോപ്പികള്‍ നാട്ടുകാര്‍ പിടിച്ചെടുത്ത് നശിപ്പിച്ചു. കുറെയെണ്ണം പൊലീസിന് പിടിച്ചെടുക്കേണ്ടിവന്നു.
ഇത്തവണ അശ്ളീല വാരികയുടെ കോപ്പികള്‍ സംസ്ഥാനത്താകെ അയച്ചുകഴിഞ്ഞുവെന്നാണ് മനസ്സിലാക്കാനാകുന്നത്. പത്തനം തിട്ടയില്‍ യുഡിഎഫ് ഓഫീസുകള്‍ വഴിയാണ് അവയുടെ വിതരണം. അതിന്റെ വിവരങ്ങളടങ്ങുന്ന വാര്‍ത്ത ഇവിടെ.
ഇത്തരം തോന്ന്യാസങ്ങള്‍ വെച്ചുപൊറുപ്പിക്കാമോ എന്ന് അത്യാവശ്യം മാന്യത ജീവിതത്തില്‍ പുലര്‍ത്തുന്നവരോട് ചോദിച്ചുനോക്കുക. "അതൊക്കെ ജനങ്ങള്‍ അവഗണിച്ചുകൊള്ളും. അവരെ എതിര്‍ത്താല്‍ അവരെപ്പോലെ വൃത്തികേടാകും'' എന്നാകും മറുപടി. ശരിയാണ്. ജനങ്ങള്‍ അവഗണിച്ചുകൊള്ളും. പക്ഷേ അങ്ങനെയങ്ങ് വിടാന്‍ പാടുണ്ടോ? ആട്ടിന്‍ തോല്‍ വലിച്ചുകീറി തനിസ്വരൂപം പുറത്തുകാട്ടാനുള്ള ബാധ്യത നമുക്കില്ലേ?
ആദ്യം മര്‍മറിങ്ങ്, അതിന് സാധൂകരണമായി അവ
്യക്തമായ വാര്‍ത്തകള്‍, പിന്നെ വീരന്റെ നേരിട്ടുള്ള ആരോപണം, അതിനെ പരിപോഷിപ്പിക്കാന്‍ ക്രൈമിന്റെ ഒരുലക്കം-ഇതാണ് കോഴിക്കോട്ടെ എല്‍ഡിഎഫ് സ്ഥാനാര്‍ത്ഥിക്കെതിരായ പ്രചാരണത്തിന്റെ രൂപം. ജീവിതത്തില്‍ ഇന്നേവരെ ഫാരിസ് അബുബക്കറിനെ കണ്ടിട്ടില്ലാത്ത റിയാസ് 'ഫാരിസിന്റെ അളിയനാ'ണെന്നാണ് ആദ്യം പറഞ്ഞുപരത്തിയത്. ബിനാമി, പേയ്മെന്റ് സീറ്റ് എന്നെല്ലാം പിന്നീട് വികസിപ്പിച്ച പ്രയോഗങ്ങളാണ്. ഇതില്‍ സഹികെട്ട് റിയാസ് അപകീര്‍ത്തിക്കേസിനൊരുങ്ങിയപ്പോള്‍ വീരന് പറയുന്നത് നോക്കൂ:
അല്‍പം കടന്ന കയ്യാകുമെങ്കിലും ഒരു സങ്കല്‍പ കഥ ഇവിടെയും പ്രയോഗിക്കട്ടെ. വീരേന്ദ്രകുമാറിനെയും മകന്‍ ശ്രേയാംസ് കുമാറിനെയും ചേര്‍ത്ത് ഒരാരോപണമുണ്ടായെന്നിരിക്കട്ടെ. രണ്ടുപേരും ഒരേ അരുതായ്മ കാട്ടിയെന്നോ മറ്റോ. അതില്‍ സഹികെട്ട് ശ്രേയാംസ് അപകീര്‍ത്തിക്ക് ആരോപണകര്‍ത്താക്കള്‍ക്ക് നോട്ടീസയക്കുന്നു. താനും പിതാവും ചേര്‍ന്ന് ഇന്നയിടത്ത് പോയി എന്ന താങ്കളുടെ ആരോപണം അപകീര്‍ത്തികരമാണ് എന്നാവും സ്വാഭാവികമായും ആ നോട്ടീസ്. ആരോപണ കര്‍ത്താവ് തിരിച്ച് ശ്രേയാംസിനോട് ചോദിക്കുന്നത്, 'വീരേന്ദ്രകമാര്‍ താങ്കളുടെ അച്ഛനാണെന്നതും താങ്കള്‍ അദ്ദേഹത്തോടൊപ്പം പോയി എന്നതും താങ്കള്ക്ക് അപകീര്‍ത്തകികരമാണോ' എന്നാവും. ഇത്തരം വാദങ്ങള്‍ക്കും പ്രതിവാദങ്ങള്‍ക്കും അത്രയേ ഉള്ളൂ കാര്യം. അച്ഛന്‍ പത്തായത്തിലുണ്ടോ പുറത്തുചാടിയോ എന്ന് നമുക്ക് വഴിയേ നോക്കാം.
ഒരു ക്രൈം ത്രില്ലര്‍
നാം പലപ്പോഴും പ്രതികരണങ്ങള്‍ ഉള്ളിലൊതുക്കാറുണ്ട്. "വേണ്ട; മോശമല്ലേ'' എന്നുകരുതി. നമ്മളെ തെറിവിളിക്കുന്നവരെ ശ്രദ്ധിക്കാത്ത നാട്യത്തില്‍ കടന്നുപോകാറുമുണ്ട്. യഥാര്‍ത്ഥത്തില്‍ ശ്രദ്ധികാത്തതുകൊണ്ടല്ല. നാം അറിഞ്ഞുകൊണ്ട് കാണിക്കുന്ന ഒരുതരം കാപട്യമാണത്. കടുത്ത ശത്രുവാണെന്ന് ഉത്തമബോധ്യമുണ്ടെങ്കിലും പൊതുവേദിയില്‍ അത്തരക്കാരോട് സൌഹൃദം കാണിക്കുന്നതും അതുപോലെത്തന്നെ-സമൂഹം അംഗീകരിച്ച കാപട്യം. അങ്ങനെയൊരു കാപട്യം തന്നെയാണ്, നാട്ടില്‍ അപവാദ പ്രചാരണം മാത്രം നടത്തുന്ന ചിലരെ അവഗണിക്കുന്നതിലൂടെയും നാം ചെയ്യൂന്നത്.
നാം പലപ്പോഴും പ്രതികരണങ്ങള്‍ ഉള്ളിലൊതുക്കാറുണ്ട്. "വേണ്ട; മോശമല്ലേ'' എന്നുകരുതി. നമ്മളെ തെറിവിളിക്കുന്നവരെ ശ്രദ്ധിക്കാത്ത നാട്യത്തില്‍ കടന്നുപോകാറുമുണ്ട്. യഥാര്‍ത്ഥത്തില്‍ ശ്രദ്ധികാത്തതുകൊണ്ടല്ല. നാം അറിഞ്ഞുകൊണ്ട് കാണിക്കുന്ന ഒരുതരം കാപട്യമാണത്. കടുത്ത ശത്രുവാണെന്ന് ഉത്തമബോധ്യമുണ്ടെങ്കിലും പൊതുവേദിയില്‍ അത്തരക്കാരോട് സൌഹൃദം കാണിക്കുന്നതും അതുപോലെത്തന്നെ-സമൂഹം അംഗീകരിച്ച കാപട്യം. അങ്ങനെയൊരു കാപട്യം തന്നെയാണ്, നാട്ടില്‍ അപവാദ പ്രചാരണം മാത്രം നടത്തുന്ന ചിലരെ അവഗണിക്കുന്നതിലൂടെയും നാം ചെയ്യൂന്നത്.
കണ്ണൂരില്‍ ഈ ലേഖകന് ഒരു സുഹൃത്തുണ്ട്. അയാള്‍ക്ക് സ്വന്തം മേഖലയില്‍തന്നെ ഒരു ശത്രുവും. സുഹൃത്ത് എന്നും ഫോണില്‍ വിളിച്ച് ആ ശത്രുവിനെ കുറ്റം പറഞ്ഞുതുടങ്ങി. ആദ്യമാദ്യം അത് കേട്ടുനിന്നെങ്കിലും പിന്നെ ആ സുഹൃത്തിന്റെ ഫോണ്‍ അറ്റന്റ്ചെയ്യാന്‍ തന്നെ വിഷമമായി. അതങ്ങനെയാണ്. തുടര്‍ച്ചയായി അപവാദ പ്രചാരണം നടത്തുന്നത് കേട്ടുനില്‍ക്കുന്നവര്‍ക്ക് മടുക്കും. അപവാദ പ്രചാരണത്തിനിരയാകുന്നവര്‍ക്ക് അലോസരമുണ്ടാവുക, ജനങ്ങളെ മടുപ്പിക്കുക എന്നീ രണ്ട് ധര്‍മ്മങ്ങളേ അത്തരക്കാര്‍ നിര്‍വഹിക്കുന്നുള്ളൂ എന്നര്‍ത്ഥം. എന്നാല്‍, രണ്ടും:ട്ട് അപവാദങ്ങളുടെ ഭാണ്ഡക്കെട്ടുമായി വീടുകയറിയിറങ്ങുന്നവരെ ഗാന്ധിമാര്‍ഗത്തില്‍ മറ്റേച്ചെകിടും കാട്ടിക്കൊടുത്ത് സല്‍ക്കരിച്ചിരുത്തണമെന്ന് അതിനര്‍ത്ഥമില്ല.
കോഴിക്കോട് മണ്ഡലത്തിലെ എല്‍ഡിഎഫ് സ്ഥാനാര്‍ത്ഥി മുഹമ്മദ് റിയാസിനെതിരെ ക്രൈം ആപ്പീസില്‍ വലിയൊരു 'ബോംബ്' തയാറായിട്ടുണ്ടെന്നാണ് വിവരം. റിയാസിനെതിരെ കുറെ നാളായി തെറ്റായ പ്രചാരണം നടക്കുന്നു. പെട്ടെന്ന് പൊട്ടിമുളച്ച് തഴച്ചുവളര്‍ന്ന വ്യാജവിവരം എവിടെനിന്നാണ് എന്ന് തുടക്കത്തില്‍ എല്ലാവരും സംശയിച്ചിരുന്നു. ഇപ്പോള്‍ സംശയമില്ല-രണ്ടുപേര്‍ അതിന്റെ പിതൃത്വം സ്വയം ഏറ്റെടുത്തിരിക്കുന്നു. എം പി വീരേന്ദ്രകുമാറും ക്രൈം നന്ദകുമാറും.
വീരേന്ദ്രകുമാര്‍ പരസ്യമായി പറഞ്ഞത്, മുഹമ്മദ് റിയാസ് 'ഫാരിസ് അബൂബക്കറിന്റെ ബിനാമി'യാണെന്നാണ്. റിയാസിന്റെ ബാപ്പയെക്കുറിച്ചും പറഞ്ഞു പച്ചക്കള്ളം. വീരനെപ്പോലൊരു നേതാവ് ഇങ്ങനെയൊക്കെ പറയാമോ എന്ന് നമുക്ക് ശങ്കിക്കാം. ആ ളങ്കയും പക്ഷേ നടേ പറഞ്ഞ കാപട്യമാണ്. വീരന് എന്താണ് പറഞ്ഞുകൂടാത്തത്? ആര്‍ക്കൊക്കെ എതിരായാണ് 'ആട്ടുകല്ലുമുക്ക്' സ്ഥാപിച്ചുകൂടാത്തത്?
നന്ദകുമാറും വീരേന്ദ്രകുമാറും തമ്മില്‍ എന്താണ് ബന്ധം? ഇവിടെ കാണുന്ന ചിത്രം നന്ദകുമാറിനെ ആശ്വസിപ്പിക്കാന്‍ പാഞ്ഞെത്തിയ രക്ഷിതാവിന്റേതാണ്. നാട്ടില്‍ മാനംമര്യാദയായി ജീവിക്കുന്നവര്‍ക്കെതിരെ കള്ളക്കഥകളെഴുതി, കൃത്രിമരേഖ ചമച്ച് പ്രചരിപ്പിക്കുകയും അങ്ങനെ ചെയ്യുമെന്ന് ഭീഷണിപ്പെടുത്തി ബ്ളാക്മെയില്‍ ചെയ്ത് പലരില്‍നിന്നു പണം പിടുങ്ങുകയും ചെയ്യുന്നവരെ സംരക്ഷിക്കാന്‍ ആരെങ്കിലും നില്‍ക്കുന്നുണ്ടെങ്കില്‍ അതല്ലേ സമ്പന്നമായ പിതൃശൂന്യത? അതിനെ അങ്ങനെ കാണാനും അത്തരക്കാര്‍ മുന്നില്‍ വരുമ്പോള്‍, 'പിതൃശൂന്യാ' എന്ന് സംസകൃതത്തിലെങ്കിലും വിളിക്കാനും നമുക്കുകഴിയുന്നില്ല-നമ്മുടെ കാപട്യം കൊണ്ടുമാത്രമല്ല അത്. അപ്പൊഴേക്കും സദാചാര പൊലീസ് രംഗത്തെത്തും. ഭാഷയെക്കുറിച്ചും പ്രയോഗത്തിലെ അരുതായ്മകളെക്കുറിച്ചും പ്രബന്ധങ്ങളും പ്രഭാഷണങ്ങളുമുണ്ടാകും. 'തന്തയില്ലായ്മ കാണിക്കുന്നവരെപ്പോലെയല്ലല്ലോ നിങ്ങള്‍' എന്നുള്ള സാരോപദേശമെങ്കിലും കേള്‍ക്കേണ്ടിവരും. വന്നുവന്ന്, സാരോപദേശങ്ങളും കള്ളന്‍മാര്‍ക്ക് കവചമാകുന്നു.
2006ലെ നിയമസഭാ തെരഞ്ഞെടുപ്പിന് തൊട്ടുമുമ്പ് നാട്ടിലാകെ 'ക്രൈം' ഇറക്കാനായിരുന്നു തയാറെടുപ്പ്. സ്ഥാനാര്‍ത്ഥികള്‍ക്കെതിരെ, നേതാക്കള്‍ക്കെതിരെ സചിത്ര കഥകള്‍. അവയില്‍ അശ്ളീലവും അപവാദവും. ഓരോ മണ്ഡലത്തിലും പ്രത്യേക പതിപ്പായിരുന്നു. മോര്‍ഫുചെയ്തതും മോഷ്ടിച്ചെടുത്ത് തെറ്റായ അടിക്കുറിപ്പുനല്‍കിയതുമായ അനേകം ചിത്രങ്ങള്‍ വന്നു. അതിന് അനുബന്ധമായി കല്‍പിത കഥകള്‍ വന്നു. അന്ന് അച്ചടിച്ചുകുന്നുകൂട്ടിയ അനേകം കോപ്പികള്‍ നാട്ടുകാര്‍ പിടിച്ചെടുത്ത് നശിപ്പിച്ചു. കുറെയെണ്ണം പൊലീസിന് പിടിച്ചെടുക്കേണ്ടിവന്നു.
ഇത്തവണ അശ്ളീല വാരികയുടെ കോപ്പികള്‍ സംസ്ഥാനത്താകെ അയച്ചുകഴിഞ്ഞുവെന്നാണ് മനസ്സിലാക്കാനാകുന്നത്. പത്തനം തിട്ടയില്‍ യുഡിഎഫ് ഓഫീസുകള്‍ വഴിയാണ് അവയുടെ വിതരണം. അതിന്റെ വിവരങ്ങളടങ്ങുന്ന വാര്‍ത്ത ഇവിടെ.
ഇത്തരം തോന്ന്യാസങ്ങള്‍ വെച്ചുപൊറുപ്പിക്കാമോ എന്ന് അത്യാവശ്യം മാന്യത ജീവിതത്തില്‍ പുലര്‍ത്തുന്നവരോട് ചോദിച്ചുനോക്കുക. "അതൊക്കെ ജനങ്ങള്‍ അവഗണിച്ചുകൊള്ളും. അവരെ എതിര്‍ത്താല്‍ അവരെപ്പോലെ വൃത്തികേടാകും'' എന്നാകും മറുപടി. ശരിയാണ്. ജനങ്ങള്‍ അവഗണിച്ചുകൊള്ളും. പക്ഷേ അങ്ങനെയങ്ങ് വിടാന്‍ പാടുണ്ടോ? ആട്ടിന്‍ തോല്‍ വലിച്ചുകീറി തനിസ്വരൂപം പുറത്തുകാട്ടാനുള്ള ബാധ്യത നമുക്കില്ലേ?
ആദ്യം മര്‍മറിങ്ങ്, അതിന് സാധൂകരണമായി അവ
്യക്തമായ വാര്‍ത്തകള്‍, പിന്നെ വീരന്റെ നേരിട്ടുള്ള ആരോപണം, അതിനെ പരിപോഷിപ്പിക്കാന്‍ ക്രൈമിന്റെ ഒരുലക്കം-ഇതാണ് കോഴിക്കോട്ടെ എല്‍ഡിഎഫ് സ്ഥാനാര്‍ത്ഥിക്കെതിരായ പ്രചാരണത്തിന്റെ രൂപം. ജീവിതത്തില്‍ ഇന്നേവരെ ഫാരിസ് അബുബക്കറിനെ കണ്ടിട്ടില്ലാത്ത റിയാസ് 'ഫാരിസിന്റെ അളിയനാ'ണെന്നാണ് ആദ്യം പറഞ്ഞുപരത്തിയത്. ബിനാമി, പേയ്മെന്റ് സീറ്റ് എന്നെല്ലാം പിന്നീട് വികസിപ്പിച്ച പ്രയോഗങ്ങളാണ്. ഇതില്‍ സഹികെട്ട് റിയാസ് അപകീര്‍ത്തിക്കേസിനൊരുങ്ങിയപ്പോള്‍ വീരന് പറയുന്നത് നോക്കൂ:
'അച്ഛന്‍
പത്തായത്തില്‍'
തിരുവനന്തപുരം:
52 വര്‍ഷമായി രാഷ്ട്രീയപ്രവര്‍ത്തനം നടത്തിവരുന്ന താന്‍ അല്‌പത്തം കാണിച്ചുവെന്ന്‌
പറയാന്‍ പിണറായി വിജയനെ പ്രേരിപ്പിച്ച പ്രകോപനം എന്താണെന്നു
മനസ്സിലാവുന്നില്ലെന്ന്‌ എം.പി.വീരേന്ദ്രകുമാര്‍ എം.പി. പറഞ്ഞു. ഞാന്‍
പറഞ്ഞിരുന്നു, കോഴിക്കോട് ഫാരിസ് അബൂബക്കറിന്റെ പേമെന്റ്‌ സീറ്റാണെന്ന്‌.
വീരേന്ദ്രകുമാര്‍ നടത്തിയ പരാമര്‍ശം അല്‌പത്തമായിപ്പോയെന്നു പിണറായി വിജയന്‍
പറഞ്ഞതായി അറിഞ്ഞു. ഫാരിസിനെക്കുറിച്ച്‌ പറയുമ്പോള്‍ അദ്ദേഹം
ഇത്ര ക്ഷോഭിക്കേണ്ട കാര്യമെന്താണ്‌? ഈ ആശയക്കുഴപ്പത്തിലിരിക്കുമ്പോഴാണ്‌ എനിക്കൊരു
വക്കീല്‍ നോട്ടീസ് ലഭിക്കുന്നത്‌. ഫാരിസുമായി ബന്ധമുണ്ടെന്നു പറഞ്ഞത്
അപമാനമാണെന്നു ചൂണ്ടിക്കാട്ടി കോഴിക്കോട്ടെ സി.പി.എം. സ്ഥാനാര്‍ത്ഥി മുഹമ്മദ്
റിയാസാണ്‌ വക്കീല്‍ നോട്ടീസ് അയച്ചത്. അപ്പോഴാണ്‌ എനിക്ക്‌ മനസ്സിലായത്‌ ഞാന്‍
പറഞ്ഞതില്‍ എന്തോ കാര്യമുണ്ടെന്ന്‌. 'അച്ഛന്‍ പത്തായത്തിലില്ല' എന്ന് പറയുമ്പോലെ
അല്ലേ അത്-വീരേന്ദ്രകുമാര്‍ ചോദിച്ചു
അല്‍പം കടന്ന കയ്യാകുമെങ്കിലും ഒരു സങ്കല്‍പ കഥ ഇവിടെയും പ്രയോഗിക്കട്ടെ. വീരേന്ദ്രകുമാറിനെയും മകന്‍ ശ്രേയാംസ് കുമാറിനെയും ചേര്‍ത്ത് ഒരാരോപണമുണ്ടായെന്നിരിക്കട്ടെ. രണ്ടുപേരും ഒരേ അരുതായ്മ കാട്ടിയെന്നോ മറ്റോ. അതില്‍ സഹികെട്ട് ശ്രേയാംസ് അപകീര്‍ത്തിക്ക് ആരോപണകര്‍ത്താക്കള്‍ക്ക് നോട്ടീസയക്കുന്നു. താനും പിതാവും ചേര്‍ന്ന് ഇന്നയിടത്ത് പോയി എന്ന താങ്കളുടെ ആരോപണം അപകീര്‍ത്തികരമാണ് എന്നാവും സ്വാഭാവികമായും ആ നോട്ടീസ്. ആരോപണ കര്‍ത്താവ് തിരിച്ച് ശ്രേയാംസിനോട് ചോദിക്കുന്നത്, 'വീരേന്ദ്രകമാര്‍ താങ്കളുടെ അച്ഛനാണെന്നതും താങ്കള്‍ അദ്ദേഹത്തോടൊപ്പം പോയി എന്നതും താങ്കള്ക്ക് അപകീര്‍ത്തകികരമാണോ' എന്നാവും. ഇത്തരം വാദങ്ങള്‍ക്കും പ്രതിവാദങ്ങള്‍ക്കും അത്രയേ ഉള്ളൂ കാര്യം. അച്ഛന്‍ പത്തായത്തിലുണ്ടോ പുറത്തുചാടിയോ എന്ന് നമുക്ക് വഴിയേ നോക്കാം.
Tuesday, April 7, 2009
വില്ലാദി വീരന് ആയിരം നാവന്‍
ഇന്നിറങ്ങിയ വീരഭൂമിയിലെ ഒരു വാര്‍ത്ത:
ലാവലിന്: ഗൂഢാലോചനയിലൂടെ പ്രതികള്‍
ഉയര്‍ന്ന നിരക്ക്‌ നല്‍കി
(വീരേന്ദ്രകുമാറാണ് ഇടതുപക്ഷ ജനാധിപത്യമുന്നണിയുടെ ചൈതന്യവും ആത്മാവുമായി നിന്നതെന്നത് പുതിയ വിവരം തന്നെ. ഇപ്പോള്‍ മുന്നണിക്കൊപ്പം നില്‍കാന്‍ ആഗ്രഹിക്കുന്ന ജനതാദള്‍ പ്രവര്‍ത്തകരുടെ ആത്മാവും ചൈതന്യവും എന്നാണാവോ ഇദ്ദേഹത്തിന്റെ പോക്കറ്റിലെത്തിയത്? വളവളാ വാചകമടിക്കുന്നതാണ് യാന്ത്രികതയില്ലായ്മയുടെ ലക്ഷണമെങ്കില്‍ വീരന് പറഞ്ഞതിനെ ശരിവെക്കാം. വെറുതെ കുറെ ജാഡപ്രയോഗങ്ങള്‍! എന്താണാവോ രാഷ്ട്രീയ സമസ്യ-അത് ആദ്യം ബംഗലൂരുവില്‍ ചെന്ന് ദേവഗൌഡയെ ബോധ്യപ്പെടുത്തിയിട്ടുപോരേ പൂരിപ്പിക്കാന്‍ എല്‍ഡിഎഫിനോടുള്ള വെല്ലുവിളി)
(ഇതാ വരുന്നു അളിഞ്ഞ പ്രചാരണത്തിന്റെ തനിനിറം. ഫാരിസ്് അബൂബക്കറിന്റെ കാര്യം മാതൃഭൂമിയുടെ ഡയറക്ടര്‍ കൂടിയായ പി വി നിധീഷ് പറഞ്ഞത് വീരന് കേട്ടിട്ടില്ലേ? ഇല്ലെങ്കില്‍ ഒന്നുകൂടി ചോദിച്ചുമനസ്സിലാക്കാന്‍ തടസ്സമില്ലല്ലോ. കണ്ണൂരിലെ നായനാര്‍ സ്മാരക ഫുട്ബോള്‍ ടൂര്‍ണ്ണമെന്റിന് ഫാരിസ് അബൂബക്കര്‍ നല്‍കിയ സംഭാവനയെ മാതൃഭൂമി വൃത്തികെട്ട രീതിയില്‍ അവതരിപ്പിച്ചതും ഫാരിസ് അബൂബക്കര്‍ ഒരു ഒറ്റക്കണ്ണന്‍ ഭീകരനാണെന്ന മട്ടില്‍ പ്രചാരണം നടത്തിയതും ആ ഒറ്റക്കണ്ണനുമായി സിപിഐ എം നേതൃത്വത്തിന് അഗാധബന്ധമുണ്ടെന്ന് പറഞ്ഞുപരത്തിയതും പേയ്മെന്റ് സീറ്റ് എന്ന പച്ചക്കള്ളം എഴുന്നള്ളിച്ച് അത് തുടരുന്നതും ഏതു നികൃഷ്ട ബുദ്ധിയില്‍ ജനിച്ച തന്ത്രമാണെന്ന് അങ്ങനെ തെളിഞ്ഞുവരട്ടെ.
മഗ്സാസെ അവാര്‍ഡിനുവേണ്ടി നടത്തുന്ന പ്രചാരണകോപ്രായങ്ങളല്ല സിപിഐ എമ്മിന്റെ കുത്തകവുരുദ്ധ നിലപാട് എന്ന് വീരന് മനസ്സിലാകില്ല. കൊക്കോ കോലയ്ക്കെതിരെ വീരന് പറയുന്നത് വീരന്റെ രണ്ടുഡസന്‍ അവാര്‍ഡുകളുടെ കുട്ടത്തില്‍ കനപ്പടിയുള്ള ഒരെണ്ണം കൂടി ചേര്‍ക്കാനാണ്. സിപിഐ എം സമരം നടത്തുന്നത്, കൊക്കോ കോളയടക്കമുള്ള കുത്തക കമ്പനികള്‍ ജനങ്ങളുടെ കുടിവെള്ളം മുട്ടിക്കുന്നതിനെതിരെയാണ്. രണ്ടും രണ്ടാണ് മാഷേ. മൂന്നാം മുന്നണി നിലവില്‍വന്നുകാണണം എന്ന നിര്‍ബന്ധമുള്ളതുകൊണ്ടാണല്ലോ വീരന് ഇത്രയേറെ ഗീര്‍വാണമടിച്ചിട്ടും ജനതാദള്‍ മുന്നണിയില്‍ തന്നെയാണെന്നും അവര്ക്ക് ഈ മുന്നണി വിട്ടുപോകാന്‍ കഴിയില്ലെന്നും സിപിഐ എം പറയുന്നത്. വീരന് ഇഷ്ടപ്പെട്ട സീറ്റ് കിട്ടിയില്ലെങ്കില്‍ തകര്‍ത്ത് തരിപ്പണമാക്കേണ്ട ഒന്നാണ് മൂന്നാം മുന്നണി. അതുകൊണ്ട് ജോസ് കെ മാണി കെട്ടിയ സ്റ്റേജില്‍ കെഎം മാണി ഏര്‍പ്പെടുത്തിയ മൈക്ക് പിടിച്ച് മാര്ക്സിസ്റ്റ് പാര്‍ട്ടിഠയെ തെറിവിളിക്കുന്നു.)
(ഇടയ്ക്കിടയ്ക്ക് കോര്‍പറേററ് സംസ്കാരം എന്ന് പറയുന്നുണ്ട്. മാതൃഭൂമിയുടെ കോര്‍പറേറ്റ് മാനേജുമെന്റിന്റെ തലവനായി കാലാകാലമായി തുടരുന്നതിന്റെ കുഴപ്പമാകും. അഖിലേന്ത്യാ പ്രസിഡന്റായ ദേവ ഗൌഡയെ സംസ്ഥാന പ്രസിഡന്റായ വീരേന്ദ്രകുമാര്‍ പുറത്താക്കിയതുപോലെയും പാര്‍ട്ടിയെയും പോക്കറ്റിലിട്ട് മുലായം സിങ്ങ് യാദവിന്റെ വീട്ടുപടിക്കല്‍ കാവലിനുപോയപോലെയുമുള്ള പരിപാടികളാണ് സിപിഐ എമ്മിലും നടക്കുന്നതെന്ന ധാരണ കൊണ്ടാണ് ഇത്തരമൊരു വികലവിചാരം. ഇന്ന് വീരേന്ദ്രകുമാര്‍ പാര്‍ട്ടി അഖിലേന്ത്യ അധ്യക്ഷനെ ധിക്കരിക്കുകയും അനുയായിയായ കൃഷ്ണന്‍കുട്ടിയെക്കൊണ്ട് ധിക്കാരത്തിന്റെ ചുടുചോറ് വാരത്തീറ്റിക്കുകയും ചെയ്യുന്നുണ്ടല്ലോ. അത്തരമൊരു പരിപാടിക്ക് ശ്രമിച്ചപ്പോഴാണ് എംവി രാഘവന്‍ പുറത്തായത്. എന്തായാലും വീരന് സ്വന്തം പാര്‍ട്ടിയില്‍ ചെയ്തത്ര കടുപ്പമൊന്നും എംവി രാഘവന്‍ ചെയ്തിട്ടില്ല.
'പുറത്താക്കിയ' ഗൌഡയുടെയടുത്തേക്ക് ദേശാഭിമാനി പത്രത്തിന്റെ ഫോട്ടോസ്റ്റാറ്റ് കെട്ടുമായി വീരന് ചെന്ന് കാലുപിടിക്കാം. ആര്‍എസ്എസ്-ബിജെപി ബന്ധം വിട്ട് സ്വതന്ത്രപാര്‍ട്ടിയുണ്ടാക്കി മതനിരപേക്ഷതയ്ക്കുവേണ്ടി പ്രവര്‍ത്തിക്കുന്ന രാമന്‍പിള്ളയ്ക്ക് അസ്പൃശ്യത കല്‍പിക്കണം പോലും! ഈ ന്യായം മാതൃഭൂമിയിലെ പെന്‍ഷന്‍ പ്രായം കഴിഞ്ഞിട്ടും ശിങ്കിടിപ്പണിയെടുക്കുന്ന റാന്‍മൂളികളോട് പറയാന്‍ കൊള്ളാം.)
(ഇതാണ് മറ്റൊരു തട്ടിപ്പ്. ഇപി ജയരാജന്‍ സാന്ദര്‍ഭികമായി പറഞ്ഞ ഒരു കാര്യത്തെ പാര്‍ട്ടിയുടെ നയമാക്കി ചിത്രീകരിച്ച് നടത്തുന്ന കുപ്രചാരണം വീരേന്ദ്രകുമാറും ഏറ്റെടുത്തിരിക്കുന്നു. കേരളത്തിലെ വര്‍ധിച്ചുവരുന്ന മദ്യപാന ശീലത്തെക്കുറിച്ചാണ് ജയരാജന്‍ പറഞ്ഞത്. അതിനെ പാശ്ചാത്യ സംസ്കാരവുമായാണ് താരതമ്യപ്പെടുത്തിയത്. അത്തരമൊരു താരതമ്യം 'പാര്‍ട്ടിക്കാരുടെ കള്ളുകുടി'യുമായി ബന്ധപ്പെടുത്തുന്ന വീരന്റെ മനസ്സിലിരിപ്പ് നല്ലതല്ല എന്നേ പറയാനാകൂ. എന്തായാലും സിപിഎം മദ്യപാനത്തെ പ്രോത്സാഹിപ്പിക്കുന്ന പാര്‍ട്ടിയില്ല.)
(സമ്മതിച്ചുവല്ലോ-വയനാട് തരാമെന്ന് പറഞ്ഞുവെന്ന്. ഇനി വൈകാതെ രാജ്യസഭാ സീറ്റിന്റെ കാര്യം കൂടി പറഞ്ഞാല്‍ ചിത്രം പൂര്‍ത്തിയാകും. എന്തേ വയനാട് എടുക്കാതിരുന്നത് എന്ന് വീരന് പറയുന്നത് കേള്‍ക്കുന്നില്ല. കുറെ ജനതാദള്‍ പ്രവര്‍ത്തകര്‍ക്കെങ്കിലും അത് ഒന്നറിയണമെന്നുണ്ട്.)
(ഗ്ളോബലൈസേഷന്റെ ഭാഗമായി ആരാണ് മാറ്റിപ്പറയുന്നതെന്ന് മുലായത്തിന്റെയും ഗൌഡയുടെയും വാതിലുകള്‍ മാറിമാറി മുട്ടിയ വീരനേക്കാള്‍ നന്നായി ആര്‍ക്ക് പറയാനാകും?)
(പ്രസംഗവേദി മാത്രമല്ല മാണിയുമായി പങ്കിടുന്നത്. മാണിയുടെ രാഷ്ട്രീയം തന്നെയാണ് വീരന് പങ്കിട്ടെടുത്തിരിക്കുന്നത്. കോഴിക്കോട് സീറ്റ് കിട്ടാത്തതുകൊണ്ട് കോട്ടയത്ത് മാണിയുടെ സ്റ്റേജില്‍കയറി ഇടതുമുന്നണിക്കെതിരെ കാറിത്തുപ്പുന്നയാള്‍ക്ക് 52കൊല്ലത്തെ എന്തിന്റെ പാരമ്പര്യമാണ്? അത് തുറന്നടിച്ച് ചോദിക്കുന്നതാണോ ദേശാഭിമാനിയുടെ കുറ്റം. സിപിഐ എം മാതൃഭൂമിയെ വിമര്‍ശിക്കുന്നത് ഉള്‍ക്കൊള്ളാനാകാത്ത വീരന് ദേശാഭിമാനിയുടെ വിമര്‍ശനങ്ങളോട് എന്തിത്ര അസഹിഷ്ണുത? ദേശാഭിമാനി സിപിഐ എമ്മിന്റെ മുഖപത്രമെന്നതുപോലെ ഒരു വാര്‍ത്താ പത്രവുമല്ലേ? വീരന്റെ ഭൂമികയ്യേറ്റം മറ്റുപത്രങ്ങളില്‍ വരുന്നതിന് ചില ദുസ്വാധീനങ്ങളിലൂടെ തടയിട്ടത് ദേശാഭിമാനിയില്‍ ചെലവാകാത്തതിന്റെ അരിശം തീര്‍ക്കാന്‍ എന്തിന് മുന്നണി രാഷ്ട്രീയത്തെ വലിച്ചിഴയ്ക്കണം? വീരന് ഒരു ന്യായവും ദേശാഭിമാനിക്ക് വേറെന്യായവും ആകുന്നതെങ്ങനെ?)
(കോണ്‍ഗ്രസിന്റെ മുന്നണിയില്‍നില്‍ക്കുന്ന മുലായം സിങ്ങ് യാദവിന്റെ ചുമലില്‍ കയറി ഇടതുമുന്നണിയില്‍തന്നെ തുടരാമെന്ന് വീരന് സ്വപ്നം കാണാം. എന്‍സിപിയില്‍ കരുണാകരന്‍ ചേര്‍ന്നതോടെ, ആ പാര്‍ട്ടിയെ എല്‍ഡിഎഫില്‍നിന്ന് ഒഴിവാക്കേണ്ടിവന്നപ്പോള്‍ വീരന് ഈ വികാരം തോന്നിയിരുന്നോ?)
ഇനി ഒരു പത്രക്കുറിപ്പ് വായിച്ചുനോക്കാം. 7-4-2009ന് തിരുവനന്തപുരം പ്രസ്ക്ളബ്ബില്‍ ക്രൈം വാരികയുടെ ചീഫ് എഡിറ്റര്‍ ടിപി നന്ദകുമാര്‍ വിതരണംചെയ്ത പത്രക്കുറിപ്പ് ഇങ്ങനെ:
മുഹമ്മദ് റിയാസിന്റെ അപകീര്‍ത്തിനോട്ടീസ് ഒരു വലിയ തമാശ
പോരേ? ഈ നന്ദകുമാറും വീരേന്ദ്രകുമാറും ഒരേ തരക്കാരാണ് , യോജിച്ചു പ്രവര്‍ത്തിക്കുന്നവരാണ് എന്നതിന് വേറെ തെളിവുനോക്കി പോകേണ്ടതുണ്ടോ? അഥവാ അങ്ങനെ വേണമെങ്കില്‍, ഡോ. സുകുമാര്‍ അഴീക്കോടിനോട് വീരേന്ദ്രകുമാറിന് വിരോധമുണ്ടായപ്പോള്‍, ക്രൈം വാരിക എങ്ങനെയാണ് അഴീക്കോട് മാഷെ അപമാനിച്ചത് എന്ന് ഓര്‍ത്തുനോക്കിയാല്‍ മതി.
വീരന്-ക്രൈം കൂട്ടുകെട്ട് ഇവിടെയുണ്ട്. വീരനുവേണ്ടി ക്രൈം നടത്തുന്നു. കഴിഞ്ഞ നിയമസഭാ തെരഞ്ഞെടുപ്പില്‍ ഓരോ മണ്ഡലത്തിലും എല്‍ഡിഎഫ് സ്ഥാനാര്‍ത്ഥികളെ അപകീര്‍ത്തിപ്പെടുത്തുന്ന വ്യാജവാര്‍ത്തകളുമായി ക്രൈം ഇറങ്ങാന്‍ തുടങ്ങിയപ്പോള്‍ എല്‍ഡിഎഫ് പ്രവര്‍ത്തകര്‍ പ്രതികരിച്ചിരുന്നു. ഇത്തരം നെറികെട്ട പണികള്‍ സഹിക്കവയ്യാതെ പലയിടത്തുനിന്നും പ്രതികരണങ്ങളുണ്ടായിട്ടുണ്ട്. അതല്ലാതെ 'ലാവലിന് രേഖ നശിപ്പിക്കാന്‍' ആരും ക്രൈം ആപ്പീസിലേക്ക് മാര്‍ച്ചുചെയ്തിട്ടില്ല. ഒരു മൂന്നാംകിട അശ്ളീല മാസികക്കാരന്റെ കയ്യില്‍ എന്തു രേഖ? വെറും നാട്യമല്ലാതെ. ഇവിടെ ഇപ്പോള്‍ സംഭവിച്ച ഒരു കാര്യം വീരനും ക്രൈമും തമ്മിലുള്ള ബന്ധം മറനീക്കി പുറത്തുവന്നു എന്നതാണ്-നന്ദകുമാറിനേക്കാള്‍ യോഗ്യനല്ല 52 കൊല്ലത്തെ പാരമ്പര്യമുള്ള ആഗോള മഗ്സാസെ നേതാവെന്നും. അത്രയും ഗുണം.
ലാവലിന്: ഗൂഢാലോചനയിലൂടെ പ്രതികള്‍
ഉയര്‍ന്ന നിരക്ക്‌ നല്‍കി
തിരുവനന്തപുരം: മൂന്ന് ജലവൈദ്യുതി പദ്ധതികളുടെ നവീകരണത്തിന്‌ കരാര്‍ നല്‍കിയ എസ്.എന്‍.സി. ലാവലിന് ഗൂഢാലോചനയിലൂടെ പ്രതികള്‍ വളരെ ഉയര്‍ന്ന നിരക്കുകള്‍ വകയിരുത്തി നല്‍കിയതായി സി.ബി.ഐ. കണ്ടെത്തി.
389.99 കോടി രൂപയുടേതായിരുന്നു അടങ്കല്‍. പന്നിയാര്‍, പള്ളിവാസല്‍, ശെങ്കുളം പദ്ധതികളുടെ നവീകരണം 100 കോടി രൂപയ്ക്ക് പൊതുമേഖലാസ്ഥാപനമായ ഭെല്ലിനെക്കൊണ്ട്‌ ചെയ്യിക്കാമെന്ന ഇ. ബാലാനന്ദന്‍ കമ്മിറ്റി റിപ്പോര്ട്ട് മറികടന്നുകൊണ്ടാണ്‌ ഇത്രയും വലിയ തുക അടങ്ങിയ എസ്റ്റിമേറ്റിലേക്ക്‌ വൈദ്യുതി ബോര്‍ഡ്‌ നീങ്ങിയത്‌.' പിണറായി ഗൂഢാലോചന നടത്തിയെന്ന് സിബിഐ' എന്നായിരുന്നു.
ഇപ്പോള്‍ എവിടെനിന്നു വന്നു വീണ്ടുമൊരു കഥ?
ഇതാണ് വീരഭൂമി. മാതൃഭൂമിയുടെ മാനേജിങ്ങ് ഡയറക്ടറും ചെയര്‍മാനുമായ എം പി വീരേന്ദ്രകുമാറിന്റെ ശൈലി ഇങ്ങനെയാണ്. തനിക്ക് ഇഷടമില്ലാത്തവരെ എഴുതി നാറ്റിച്ചുകളയും. അതിന് ക്രൈം നന്ദകുമാറോ അജിതയോ കാളീശ്വരം രാജോ ഏതുചെകുത്താനോ ആകട്ടെ-വീരന് കൂട്ടുപിടിക്കും.
വീരന്റെ വലംകൈയും ജനതാദള്‍ സംസ്ഥാന സെക്രട്ടറി ജനറലുമായ കൃഷ്ണന്‍കുട്ടിയുടെ പ്രസംഗം മലയാള മനോരമ (ഏപ്രില്‍ 6)പ്രസിദ്ധീകരിച്ചത് നോക്കുക: വി.എസ്.അച്യുതാനന്ദനും ജനതാദളും ചേര്‍ന്നു നടത്തിയ നീക്കങ്ങളാണ് എല്‍ഡിഎഫിനെ ജയിപ്പിച്ചതെന്ന് കൃഷ്ണന്‍കുട്ടി പറഞ്ഞു. പല പ്രശ്നങ്ങളിലും ജനതാദള്‍ തുടങ്ങിവച്ച സമരങ്ങളാണ് അച്യുതാനന്ദന്‍ ഏറ്റെടുത്തത്. സിപിഎമ്മിലെ ഔദ്യോഗിക വിഭാഗത്തിന്റെ ഒരു പിന്തുണയും അക്കാര്യത്തില്‍ അച്യുതാനന്ദനു കിട്ടിയിരുന്നില്ല.അതായത്, സിപിഐ എമ്മിനകത്ത് കുഴപ്പമോ ഭിന്നതയോ ഉണ്ടാക്കാനാണ് ഇന്നുവരെ വീരനും കൃ. കുട്ടിയും 'അച്യുതാനന്ദനും ജനതാദളും ചേര്‍ന്ന്' ചില നീക്കങ്ങള്‍ നടത്തിയെന്ന്! എല്‍ഡിഎഫിനും സിപിഐ എമ്മിനും അറിയാത്ത ഏതുനീക്കമാണ് അങ്ങനെ നടത്തിയിട്ടുള്ളത്? ഇത്തരം പ്രചാരണങ്ങളിലൂടെ സിപിഐ എമ്മിനെക്കുറിച്ച് മാതൃഭൂമി നടത്തുന്ന ആക്രമണം ഏതുലക്ഷ്യം വെച്ചാണെന്നും അതിന്റെ ഉറവിടം ഏതാണെന്നും ഇതില്‍ വ്യക്തമാകുന്നുണ്ട്. അല്ലെങ്കിലും, കോഴിക്കോട്ട് എല്‍ഡിഎഫ് നിര്‍ത്തിയ, ആ ജില്ലയിലെ ഡിവൈഎഫ്ഐ പ്രസിഡന്റും എസ്എഫ്ഐയിലൂടെ വളര്‍ന്നുവന്ന നേതാവുമായ മുഹമ്മദ് റിയാസിനെ 'ഫാരിസ് അബൂബക്കറിന്റെ ബിനാമി' എന്നുവിളിക്കാനും റിയാസിന്റെ ബാപ്പയെക്കുറിച്ചുപോലും പച്ചക്കള്ളം വിളിച്ചുപറയാനും വീരേന്ദ്രകുമാര്‍ തന്നെ തയാറാകുമ്പോള്‍, ക്രൈം നന്ദകുമാറടക്കമുള്ളവര്‍ വെറും ശിശുക്കള്‍ മാത്രം.
ഇനി കാര്യത്തിലേക്ക് വരാം. വീരേന്ദ്രകുമാറിന്റെ കോട്ടയം പ്രസംഗം മാതൃഭൂമി പ്രസിദ്ധീകരിച്ചത് വായിക്കാം. ഒരു പാരഗ്രാഫ് വീരന്റെ വക വരുമ്പോള്‍ ഒരു ബ്രാക്കറ്റ് മറുകുറി എന്നതാണ് വായനക്ക് സൌകര്യം.
Date : April 07 2009
(ജനതാദളിന് സീറ്റ് എല്‍ഡിഎഫ് നിഷേധിച്ചിട്ടില്ല. പഴയ കോഴിക്കോട് മണ്ഡലത്തിലെ മൂന്ന് നിയമസഭാ സെഗ്മെന്റുകളടങ്ങുന്ന-കല്‍പറ്റ, ബത്തേരി, തിരുവമ്പാടി- പുതിയ വയനാട് മണ്ഡലത്തില്‍ മത്സരിക്കണമെന്നാവശ്യപ്പെട്ടു. കല്‍പറ്റയില്‍ ദള്‍ എംഎല്‍എയുമാണ്. കോഴിക്കോട് മുമ്പ് സിപിഐ എമ്മിന്റെ സീറ്റായിരുന്നു-ഇമ്പിച്ചിബാവ ജയിച്ചത്. അത് പിന്നീട് ദളിന് കൊടുത്തു. ഇത്തവണ, മണ്ഡലം പുനര്‍നിര്‍ണ്ണയാം വന്നപ്പോഴാണ് വയനാട്ടിലേക്ക് മാറാന്‍ ആവശ്യപ്പെട്ടത്. പഴയ കോഴിക്കോടിന്റെ വലിയ ഭാഗം ഉള്‍ക്കൊള്ളുന്ന വയനാട്ടിലേക്ക് മാറണം എന്ന ആ ആവശ്യം വീരേന്ദ്രകുമാറാണ് തള്ളിക്കളഞ്ഞത്. വയനാട്ടില്‍ ജയസാധ്യതയുണ്ടെന്നും അഥവാ തോല്‍ക്കുകയാണെങ്കില്‍ നിങ്ങള്ക്ക് രാജ്യസഭാ സീറ്റ് തരാമെന്നും പറഞ്ഞു. വീരന് വാശിവിട്ടില്ല. കോഴിക്കോട് കിട്ടണം; ഇല്ലെങ്കില്‍ പ്രളയം. അതായിരുന്നു നിലപാട്. ഇതാണോ അവഗണന? മറവി? അപമാനം? സിപിഐ എമ്മിന് , ഞങ്ങളുടെ പഴയ സീറ്റായ കോഴിക്കോട് ഇതാ തിരിച്ചെടുക്കുന്നു എന്ന് മാത്രം പറഞ്ഞാല്‍ പോരായിരുന്നോ? ഇതില്‍ ഏത് 'പുതിയ കൂട്ടുകെട്ടിന്റെ' സ്വാധീനമാണ് വീരന്റെ ദുര്‍ബുദ്ധിയില്‍ കാണാനാകുന്നത്?)പുതിയ കൂട്ടുകെട്ടുണ്ടായപ്പോള്‍ പഴയത്‌ സി.പി.എം. മറന്നു - എം.പി.വീരേന്ദ്രകുമാര്‍
കോട്ടയം: കേവലം ഒരു പാര്‍ലമെന്റ്‌ സീറ്റിനെച്ചൊല്ലിയുള്ള പ്രശ്നമല്ല ഞങ്ങള്‍ ഉന്നയിക്കുന്നത്‌. പതിറ്റാണ്ടുകള്‍ ഒപ്പംനിന്നു പ്രവര്‍ത്തിച്ച ഞങ്ങളെ മാര്ക്സിസ്റ്റ് പാര്‍ട്ടിയും ഇടതുമുന്നണിയും അപമാനിച്ചു; അവഗണിച്ചു. പുതിയ കൂട്ടുകെട്ടുകള്‍ ഉണ്ടായപ്പോള്‍ പഴയത്‌ അവര്‍ മറന്നു - ജനതാദള്‍ (എസ്) സംസ്ഥാന പ്രസിഡന്റ് എം.പി.വീരേന്ദ്രകുമാര്‍ എം.പി. പറഞ്ഞു.
കോട്ടയത്ത് പാര്‍ട്ടി ജില്ലാ കമ്മിറ്റി സംഘടിപ്പിച്ച രാഷ്ട്രീയ നയവിശദീകരണ യോഗത്തില്‍ പ്രസംഗിക്കുകയായിരുന്നു അദ്ദേഹം.
വീരന്: സഖാക്കളേ, നിങ്ങള്‍ ഓര്‍ത്തിരിക്കണം. തിരഞ്ഞെടുപ്പ്‌ 16-ാം തീയതി കഴിയും. ചരിത്രം അതിനുശേഷവും തുടരും. ഇനിയും സൂര്യോദയങ്ങള്‍ ഉണ്ടാകും. സി.പി.എം. നേതൃത്വം ഞങ്ങളോട്‌ കാട്ടിയത്‌ രാഷ്ട്രീയമര്യാദയല്ല. ഇത്രയ്‌ക്ക്‌ അപമാനിക്കേണ്ടിയിരുന്നില്ല; പരിഹസിക്കേണ്ടിയിരുന്നില്ല. രണ്ട് വോട്ടിനുവേണ്ടി മഅദനിയുടെ പാര്‍ട്ടി നിങ്ങള്ക്ക് പ്രിയപ്പെട്ടതായപ്പോള്‍ നമ്മള്‍ ഒപ്പംനിന്ന്‌ നടത്തിയ എത്രയോ പോരാട്ടങ്ങളെ വിസ്‌മരിക്കുകയാണ്‌ നിങ്ങള്‍ ചെയ്‌തത്‌.
(രണ്ടുവോട്ടിന് മഅ്ദനിയുടെ പാര്‍ട്ടി പ്രിയപ്പെട്ടതായി എന്ന്. ഇതേ വീരന്റെ പാര്‍ട്ടിയോട് മുന്നണി മര്യാദ കാട്ടി ഏറാമലയില്‍ പഞ്ചായത്ത് പ്രസിഡന്റ് സ്ഥാനം നല്‍കിയതിനെ ഏതിര്‍ത്തുകൊണ്ടല്ലേ അവിടെ വിമതപ്പാര്‍ട്ടി ഉണ്ടായത്? സ്വന്തം പാര്‍ട്ടിക്കകത്ത് ഉയര്‍ന്ന രൂക്ഷമായ എതിര്‍പ്പിനെയും അതിന്റെ ഫലമായുണ്ടായ വിട്ടുപോക്കിനെയും കണക്കിലെടുക്കാതെ ഘടകകക്ഷിയോട് നീതികാട്ടാന്‍ തയാറായ സിപിഐ എമ്മിന്റെ നിലപാട് വീരന് എന്തേ മറന്നുപോകുന്നു? കോഴിക്കോട്ടുനിന്ന് വീരന് ലോക്സഭാംഗമായത് സ്വന്തം പാര്‍ട്ടിയുടെ വോട്ടുകൊണ്ടുമാത്രമാണോ? വയനാട്ടില്‍ ദള്‍ സ്ഥാനാര്‍ത്ഥി മത്സരിച്ചാല്‍ പ്രവര്‍ത്തനത്തില്‍ മുന്‍നിരയില്‍ സിപിഐ എമ്മായിരിക്കുമെന്നതില്‍ സംശയമുണ്ടോ? മഅ്ദനി എല്‍ഡിഎഫിന് പിന്തുണ പ്രഖ്യാപിച്ചതും ഇതും തമ്മിലെന്ത് ബന്ധമാണ് വീരന് കല്‍പ്പിക്കുന്നത്?)
വീരന്:ഞങ്ങള്‍ ഉയര്‍ത്തുന്ന ചില രാഷ്ട്രീയസമസ്യകളുണ്ട്‌. എന്തുകൊണ്ട്‌ സി.പി.എം. നേതൃത്വത്തിന് മറുപടി പറയാന്‍ കഴിയുന്നില്ല? എന്താണ് ഇപ്പോള്‍ ഈ മുന്നണി? ഇതിന്‌ ആത്മാവുണ്ടോ? ജീവനുണ്ടോ? എവിടെപ്പോയി ഇതിന്റെ ചൈതന്യം? ഇതൊരു യാന്ത്രികസംവിധാനമായിരുന്നില്ലല്ലോ. ആര്‍ക്കുവേണ്ടിയാണ്‌ ഈ മുന്നണിയെ തകര്‍ക്കാന്‍ നോക്കുന്നത്‌. എത്രയോ പോരാട്ടങ്ങളിലൂടെ, തീക്ഷ്‌നമായ അനുഭവങ്ങളിലൂടെയല്ലേ നമ്മള്‍ ഇതു കൊണ്ടുപോയത്‌.
(വീരേന്ദ്രകുമാറാണ് ഇടതുപക്ഷ ജനാധിപത്യമുന്നണിയുടെ ചൈതന്യവും ആത്മാവുമായി നിന്നതെന്നത് പുതിയ വിവരം തന്നെ. ഇപ്പോള്‍ മുന്നണിക്കൊപ്പം നില്‍കാന്‍ ആഗ്രഹിക്കുന്ന ജനതാദള്‍ പ്രവര്‍ത്തകരുടെ ആത്മാവും ചൈതന്യവും എന്നാണാവോ ഇദ്ദേഹത്തിന്റെ പോക്കറ്റിലെത്തിയത്? വളവളാ വാചകമടിക്കുന്നതാണ് യാന്ത്രികതയില്ലായ്മയുടെ ലക്ഷണമെങ്കില്‍ വീരന് പറഞ്ഞതിനെ ശരിവെക്കാം. വെറുതെ കുറെ ജാഡപ്രയോഗങ്ങള്‍! എന്താണാവോ രാഷ്ട്രീയ സമസ്യ-അത് ആദ്യം ബംഗലൂരുവില്‍ ചെന്ന് ദേവഗൌഡയെ ബോധ്യപ്പെടുത്തിയിട്ടുപോരേ പൂരിപ്പിക്കാന്‍ എല്‍ഡിഎഫിനോടുള്ള വെല്ലുവിളി)
വീരന്:ഇവിടെ മൂന്നാംമുന്നണിയെ സംരക്ഷിക്കാനും നിലനിര്‍ത്താനും ബാധ്യതപ്പെട്ട മാര്ക്സിസ്റ്റ് പാര്‍ട്ടി നേതൃത്വം ഇപ്പോള്‍ അതിനെ തകര്‍ക്കാന്‍ നടക്കുന്നു! ഇപ്പോള്‍ അവര്ക്ക് വലുത്‌ ഫാരിസ് അബൂബക്കറാണല്ലോ. അവരുടെ ഇപ്പോഴത്തെ കോര്‍പ്പറേറ്റ്‌ സംസ്‌കാരത്തെയാണ്‌ ഇതെല്ലാം കാണിക്കുന്നത്‌. കോര്‍പ്പറേറ്റ്‌ കുത്തകകള്‍ നമ്മുടെ വിഭവങ്ങള്‍ കൊള്ളയടിച്ചുകൊണ്ടുപോയപ്പോള്‍ എവിടെയായിരുന്നു നിങ്ങള്‍? പഴയ രാഷ്ട്രീയസംസ്‌കാരത്തിന്റെ പാരമ്പര്യം പറയാന്‍ കഴിയുന്നുണ്ടോ നിങ്ങള്‍ക്കിപ്പോള്‍?
(ഇതാ വരുന്നു അളിഞ്ഞ പ്രചാരണത്തിന്റെ തനിനിറം. ഫാരിസ്് അബൂബക്കറിന്റെ കാര്യം മാതൃഭൂമിയുടെ ഡയറക്ടര്‍ കൂടിയായ പി വി നിധീഷ് പറഞ്ഞത് വീരന് കേട്ടിട്ടില്ലേ? ഇല്ലെങ്കില്‍ ഒന്നുകൂടി ചോദിച്ചുമനസ്സിലാക്കാന്‍ തടസ്സമില്ലല്ലോ. കണ്ണൂരിലെ നായനാര്‍ സ്മാരക ഫുട്ബോള്‍ ടൂര്‍ണ്ണമെന്റിന് ഫാരിസ് അബൂബക്കര്‍ നല്‍കിയ സംഭാവനയെ മാതൃഭൂമി വൃത്തികെട്ട രീതിയില്‍ അവതരിപ്പിച്ചതും ഫാരിസ് അബൂബക്കര്‍ ഒരു ഒറ്റക്കണ്ണന്‍ ഭീകരനാണെന്ന മട്ടില്‍ പ്രചാരണം നടത്തിയതും ആ ഒറ്റക്കണ്ണനുമായി സിപിഐ എം നേതൃത്വത്തിന് അഗാധബന്ധമുണ്ടെന്ന് പറഞ്ഞുപരത്തിയതും പേയ്മെന്റ് സീറ്റ് എന്ന പച്ചക്കള്ളം എഴുന്നള്ളിച്ച് അത് തുടരുന്നതും ഏതു നികൃഷ്ട ബുദ്ധിയില്‍ ജനിച്ച തന്ത്രമാണെന്ന് അങ്ങനെ തെളിഞ്ഞുവരട്ടെ.
മഗ്സാസെ അവാര്‍ഡിനുവേണ്ടി നടത്തുന്ന പ്രചാരണകോപ്രായങ്ങളല്ല സിപിഐ എമ്മിന്റെ കുത്തകവുരുദ്ധ നിലപാട് എന്ന് വീരന് മനസ്സിലാകില്ല. കൊക്കോ കോലയ്ക്കെതിരെ വീരന് പറയുന്നത് വീരന്റെ രണ്ടുഡസന്‍ അവാര്‍ഡുകളുടെ കുട്ടത്തില്‍ കനപ്പടിയുള്ള ഒരെണ്ണം കൂടി ചേര്‍ക്കാനാണ്. സിപിഐ എം സമരം നടത്തുന്നത്, കൊക്കോ കോളയടക്കമുള്ള കുത്തക കമ്പനികള്‍ ജനങ്ങളുടെ കുടിവെള്ളം മുട്ടിക്കുന്നതിനെതിരെയാണ്. രണ്ടും രണ്ടാണ് മാഷേ. മൂന്നാം മുന്നണി നിലവില്‍വന്നുകാണണം എന്ന നിര്‍ബന്ധമുള്ളതുകൊണ്ടാണല്ലോ വീരന് ഇത്രയേറെ ഗീര്‍വാണമടിച്ചിട്ടും ജനതാദള്‍ മുന്നണിയില്‍ തന്നെയാണെന്നും അവര്ക്ക് ഈ മുന്നണി വിട്ടുപോകാന്‍ കഴിയില്ലെന്നും സിപിഐ എം പറയുന്നത്. വീരന് ഇഷ്ടപ്പെട്ട സീറ്റ് കിട്ടിയില്ലെങ്കില്‍ തകര്‍ത്ത് തരിപ്പണമാക്കേണ്ട ഒന്നാണ് മൂന്നാം മുന്നണി. അതുകൊണ്ട് ജോസ് കെ മാണി കെട്ടിയ സ്റ്റേജില്‍ കെഎം മാണി ഏര്‍പ്പെടുത്തിയ മൈക്ക് പിടിച്ച് മാര്ക്സിസ്റ്റ് പാര്‍ട്ടിഠയെ തെറിവിളിക്കുന്നു.)
വീരന്: 82ല്‍, കെ.രാമന്‍പിള്ളയും രാജഗോപാലും ഒക്കെ ജനതാപാര്‍ട്ടിയിലുണ്ടെന്നു പറഞ്ഞാണ്‌ അന്ന് സി.പി.എം. ഞങ്ങളുമായുള്ള ബന്ധം അവസാനിപ്പിച്ചത്‌. എവിടെയാണ്‌ രാമന്‍പിള്ള ഇപ്പോള്‍. മുസ്‌ലിംലീഗുമായി കൂട്ടുകൂടാമെന്ന്‌ പറഞ്ഞതിനല്ലേ എം.വി.രാഘവനെ പുറത്താക്കിയത്‌? ഇപ്പോള്‍ ആരെയാണ്‌ കൂട്ടുപിടിച്ചിരിക്കുന്നത്‌. അന്നുള്ളവര്‍ ഇന്നില്ല; കോര്‍പ്പറേറ്റ്‌ സംസ്‌കാരത്തിന്റെ ഭാഗം!
(ഇടയ്ക്കിടയ്ക്ക് കോര്‍പറേററ് സംസ്കാരം എന്ന് പറയുന്നുണ്ട്. മാതൃഭൂമിയുടെ കോര്‍പറേറ്റ് മാനേജുമെന്റിന്റെ തലവനായി കാലാകാലമായി തുടരുന്നതിന്റെ കുഴപ്പമാകും. അഖിലേന്ത്യാ പ്രസിഡന്റായ ദേവ ഗൌഡയെ സംസ്ഥാന പ്രസിഡന്റായ വീരേന്ദ്രകുമാര്‍ പുറത്താക്കിയതുപോലെയും പാര്‍ട്ടിയെയും പോക്കറ്റിലിട്ട് മുലായം സിങ്ങ് യാദവിന്റെ വീട്ടുപടിക്കല്‍ കാവലിനുപോയപോലെയുമുള്ള പരിപാടികളാണ് സിപിഐ എമ്മിലും നടക്കുന്നതെന്ന ധാരണ കൊണ്ടാണ് ഇത്തരമൊരു വികലവിചാരം. ഇന്ന് വീരേന്ദ്രകുമാര്‍ പാര്‍ട്ടി അഖിലേന്ത്യ അധ്യക്ഷനെ ധിക്കരിക്കുകയും അനുയായിയായ കൃഷ്ണന്‍കുട്ടിയെക്കൊണ്ട് ധിക്കാരത്തിന്റെ ചുടുചോറ് വാരത്തീറ്റിക്കുകയും ചെയ്യുന്നുണ്ടല്ലോ. അത്തരമൊരു പരിപാടിക്ക് ശ്രമിച്ചപ്പോഴാണ് എംവി രാഘവന്‍ പുറത്തായത്. എന്തായാലും വീരന് സ്വന്തം പാര്‍ട്ടിയില്‍ ചെയ്തത്ര കടുപ്പമൊന്നും എംവി രാഘവന്‍ ചെയ്തിട്ടില്ല.
'പുറത്താക്കിയ' ഗൌഡയുടെയടുത്തേക്ക് ദേശാഭിമാനി പത്രത്തിന്റെ ഫോട്ടോസ്റ്റാറ്റ് കെട്ടുമായി വീരന് ചെന്ന് കാലുപിടിക്കാം. ആര്‍എസ്എസ്-ബിജെപി ബന്ധം വിട്ട് സ്വതന്ത്രപാര്‍ട്ടിയുണ്ടാക്കി മതനിരപേക്ഷതയ്ക്കുവേണ്ടി പ്രവര്‍ത്തിക്കുന്ന രാമന്‍പിള്ളയ്ക്ക് അസ്പൃശ്യത കല്‍പിക്കണം പോലും! ഈ ന്യായം മാതൃഭൂമിയിലെ പെന്‍ഷന്‍ പ്രായം കഴിഞ്ഞിട്ടും ശിങ്കിടിപ്പണിയെടുക്കുന്ന റാന്‍മൂളികളോട് പറയാന്‍ കൊള്ളാം.)
വീരന്: പാര്‍ട്ടിക്കാര്‍ കള്ളുകുടിച്ചാല്‍ നടപടിയെടുക്കുന്ന കാലമുണ്ടായിരുന്നു സി.പി.എമ്മില്‍. ഇപ്പോള്‍ മദ്യം ഭക്ഷണത്തിന്റെ ഭാഗമാക്കണമെന്നാണ്‌ ഇ.പി.ജയരാജന്‍ പറയുന്നത്. നമുക്ക് എന്തായാലും ജയരാജന്‍ പറയുന്നത് കേള്‍ക്കേണ്ട, എ.കെ.ജി.പറഞ്ഞത് കേട്ടാല്‍ മതി.
(ഇതാണ് മറ്റൊരു തട്ടിപ്പ്. ഇപി ജയരാജന്‍ സാന്ദര്‍ഭികമായി പറഞ്ഞ ഒരു കാര്യത്തെ പാര്‍ട്ടിയുടെ നയമാക്കി ചിത്രീകരിച്ച് നടത്തുന്ന കുപ്രചാരണം വീരേന്ദ്രകുമാറും ഏറ്റെടുത്തിരിക്കുന്നു. കേരളത്തിലെ വര്‍ധിച്ചുവരുന്ന മദ്യപാന ശീലത്തെക്കുറിച്ചാണ് ജയരാജന്‍ പറഞ്ഞത്. അതിനെ പാശ്ചാത്യ സംസ്കാരവുമായാണ് താരതമ്യപ്പെടുത്തിയത്. അത്തരമൊരു താരതമ്യം 'പാര്‍ട്ടിക്കാരുടെ കള്ളുകുടി'യുമായി ബന്ധപ്പെടുത്തുന്ന വീരന്റെ മനസ്സിലിരിപ്പ് നല്ലതല്ല എന്നേ പറയാനാകൂ. എന്തായാലും സിപിഎം മദ്യപാനത്തെ പ്രോത്സാഹിപ്പിക്കുന്ന പാര്‍ട്ടിയില്ല.)
വീരന്: കോഴിക്കോട് സീറ്റ് സി.പി.എം. 'എടുത്തു' എന്നാണ് പിണറായി വിജയന്‍ പറഞ്ഞത്. പിന്നീട് സ്‌നേഹത്തോടെ അദ്ദേഹം പറഞ്ഞത്, വയനാട്ടില്‍ മത്സരിക്കണമെന്നും താങ്കള്ക്ക് അവിടെ മുസ്‌ലിം ജനവിഭാഗങ്ങള്‍ക്കിടയില്‍ നല്ല സ്വാധീനമുണ്ടെന്നുമാണ്‌. ആറുമാസം മുമ്പേ എന്റെ പാര്‍ട്ടിയെ അറിയിച്ചതാണ്‌ ഞാന്‍ സ്ഥാനാര്‍ത്ഥിയാവില്ല എന്ന്. മുസ്‌ലിം സമുദായത്തില്‍ എനിക്ക്‌ സ്വാധീനമുണ്ടെങ്കില്‍ അത് രണ്ട് വോട്ട്‌ കിട്ടാന്‍വേണ്ടിയുള്ളതല്ല.
(സമ്മതിച്ചുവല്ലോ-വയനാട് തരാമെന്ന് പറഞ്ഞുവെന്ന്. ഇനി വൈകാതെ രാജ്യസഭാ സീറ്റിന്റെ കാര്യം കൂടി പറഞ്ഞാല്‍ ചിത്രം പൂര്‍ത്തിയാകും. എന്തേ വയനാട് എടുക്കാതിരുന്നത് എന്ന് വീരന് പറയുന്നത് കേള്‍ക്കുന്നില്ല. കുറെ ജനതാദള്‍ പ്രവര്‍ത്തകര്‍ക്കെങ്കിലും അത് ഒന്നറിയണമെന്നുണ്ട്.)
വീരന്: രണ്ട് വോട്ടുകിട്ടാന്‍വേണ്ടി എന്തും പറയുകയും പിന്നീടത്‌ മാറ്റിപ്പറയുകയും ചെയ്യുന്നത് ഇപ്പോഴത്തെ ഗ്ലോബലൈസേഷന്റെ ഭാഗമാകാം. എന്തായാലും ഞങ്ങള്‍ അങ്ങനെ ചെയ്യില്ല
(ഗ്ളോബലൈസേഷന്റെ ഭാഗമായി ആരാണ് മാറ്റിപ്പറയുന്നതെന്ന് മുലായത്തിന്റെയും ഗൌഡയുടെയും വാതിലുകള്‍ മാറിമാറി മുട്ടിയ വീരനേക്കാള്‍ നന്നായി ആര്‍ക്ക് പറയാനാകും?)
വീരന്: എ.കെ.ജി.യോടും ഇ.എം.എസ്സിനോടും അഴീക്കോടന്‍ രാഘവനോടും സി.എച്ച്.കണാരനോടും ഒപ്പം പ്രവര്‍ത്തിച്ചിട്ടുണ്ട്‌ സോഷ്യലിസ്റ്റുകള്‍. രാഷ്ട്രീയത്തില്‍ എന്റെ ഗുരുനാഥന്‍ എ.കെ.ജി.യാണ്‌. ഞങ്ങള്‍ ഒരുമിച്ചുനിന്ന്‌ പോരാടിയിട്ടുണ്ട്‌. അടിയന്തരാവസ്ഥക്കാലത്ത്‌ 1975 ജൂലായ്‌ 5ന് കോഴിക്കോട്ട് എ.കെ.ജി.യും ഇ.എം.എസ്സും അരങ്ങില്‍ ശ്രീധരനും കെ.ചന്ദ്രശേഖരനും കെ.എം.മാണിയും ആര്‍.ബാലകൃഷ്‌ണപിള്ളയും കെ.ശങ്കരനാരായണനുമൊക്കെ പങ്കെടുത്ത യോഗത്തിന്റെ മിനിറ്റ്‌സ്‌ എഴുതിയത് അന്ന് മുന്നണി കണ്‍വീനറായിരുന്ന ഞാനായിരുന്നു. എ.കെ.ജി.യും. ഇ.എം.എസ്സും ഒന്നിച്ചുപങ്കെടുത്ത അവസാന യോഗംകൂടിയായിരുന്നു അത്. ഇതെല്ലാം ചരിത്രമാണ്‌. വിസ്‌മരിക്കപ്പെടേണ്ടതല്ല
(ഈ തഴമ്പിന്റെ കഥ കുറെനാളായി കേള്‍ക്കുന്നു. മിനിട്സെഴുതിയതും പുതുതായി നിലവില്‍വന്ന ഒരു സംവിധാനത്തിന്റെ താല്‍കാലിക കണ്‍വീനറുമായതാണത്രെ മഹത്വം. അങ്ങനെയെങ്കില്‍ നാലപ്പാട് കുടുംബത്തോടും മാധവിക്കുട്ടിയോടും എംഡി നാലപ്പാടിനോടും പഴയ മാതൃഭൂമി അസിസ്റ്റന്റ് എഡിറ്റര്‍ രാജനടക്കമുള്ളവരോടും വീരന് കാണിച്ച കാര്യങ്ങളും പരിശോധിക്കാം. സ്വന്തം സഹോദരിയോട് അദ്ദേഹം കാണിച്ച കാര്യങ്ങള്‍, ദേശാഭിമാനി പരമ്പരയില്‍ ഒരു പിശകുവന്നതുകൊണ്ട് മാത്രം ഇല്ലാതായിപ്പോയിട്ടില്ലല്ലോ. അങ്ങനെയുള്ള നന്ദികേടൊന്നും വീരനോട് സിപിഐ എം കാണിച്ചു എന്ന് അദ്ദേഹത്തിന്റെ മകന്‍പോലും പറയില്ല. സിപിഐ എമ്മിന് അങ്ങനെ കാണിക്കാന്‍ കഴിഞ്ഞിരുന്നുവെങ്കില്‍, വീരന് എല്ലാകാലത്തും-സ്വന്തം കയ്യിലിരിപ്പുകൊണ്ട് തോറ്റുപോയ സന്ദര്‍ഭങ്ങളൊഴികെ-എംഎല്‍എയും മന്ത്രിയും എംപിയുമൊക്കെ ആകാന്‍ കഴിയുമായിരുന്നോ. സ്വന്തം പാര്‍ട്ടിയിലെ മറ്റാര്‍ക്കും വിട്ടുകൊടുക്കാതെ വീരന് പിടിച്ചുകൈവശം വെച്ച ഈ സ്ഥാനങ്ങള്‍ സിപിഐ എമ്മിന്റെ സഹായമുള്ളതുകൂടിയായിരുന്നു എന്ന് സമ്മതിക്കാനുള്ള സന്‍മനസ്സെങ്കിലും അദ്ദേഹം കാട്ടണേ എന്ന് പ്രാര്‍ത്ഥിക്കാം. പണ്ട് ഇഎംഎസിന്റെയും എകെജിയുടെയും കൂടെയിരുന്നത്, ഇന്ന് ഇഷ്ടപ്പെട്ട സീറ്റ് കിട്ടാത്തതിന്റെ കെറുവില്‍ വിഷംതുപ്പാനുള്ള ലൈസന്‍സാണ് വീരനെങ്കില്‍-നമോവാകം.)
വീരന്: കോട്ടയത്തെ ഈ പ്രസംഗവേദി ഇവിടത്തെ യു.ഡി.എഫ്‌. സ്ഥാനാര്‍ത്ഥി ജോസ് കെ. മാണി സജ്ജീകരിച്ചതാണെന്നാണ്‌ ദേശാഭിമാനിയുടെ ഇന്നത്തെ കണ്ടെത്തല്‍. ഞങ്ങള്‍ യു.ഡി.എഫിന്റെ ഭാഗമല്ല. മറിച്ച്‌ തീരുമാനമെടുക്കണമെങ്കില്‍ അത് ഞങ്ങള്‍ പരസ്യമായിത്തന്നെ ചെയ്യും. ഇനി, അവര്‍ നടത്താനിരുന്ന യോഗം മാറ്റി, ഞങ്ങള്‍ക്കായി വേദി വിട്ടുതന്നെങ്കില്‍ 52 വര്‍ഷം ഒപ്പംനിന്ന ഞങ്ങളോട്‌ നിങ്ങള്‍ കാട്ടാത്ത മര്യാദ മാണി ഞങ്ങളോട്‌ കാണിച്ചതാണ്‌. 52 വര്‍ഷം ഒപ്പംനിന്ന ഞങ്ങളുടെ ബോര്‍ഡുകളുംമറ്റും നിങ്ങള്‍ നശിപ്പിക്കുമ്പോള്‍ അവര്‍ മാന്യത കാട്ടുന്നു
(പ്രസംഗവേദി മാത്രമല്ല മാണിയുമായി പങ്കിടുന്നത്. മാണിയുടെ രാഷ്ട്രീയം തന്നെയാണ് വീരന് പങ്കിട്ടെടുത്തിരിക്കുന്നത്. കോഴിക്കോട് സീറ്റ് കിട്ടാത്തതുകൊണ്ട് കോട്ടയത്ത് മാണിയുടെ സ്റ്റേജില്‍കയറി ഇടതുമുന്നണിക്കെതിരെ കാറിത്തുപ്പുന്നയാള്‍ക്ക് 52കൊല്ലത്തെ എന്തിന്റെ പാരമ്പര്യമാണ്? അത് തുറന്നടിച്ച് ചോദിക്കുന്നതാണോ ദേശാഭിമാനിയുടെ കുറ്റം. സിപിഐ എം മാതൃഭൂമിയെ വിമര്‍ശിക്കുന്നത് ഉള്‍ക്കൊള്ളാനാകാത്ത വീരന് ദേശാഭിമാനിയുടെ വിമര്‍ശനങ്ങളോട് എന്തിത്ര അസഹിഷ്ണുത? ദേശാഭിമാനി സിപിഐ എമ്മിന്റെ മുഖപത്രമെന്നതുപോലെ ഒരു വാര്‍ത്താ പത്രവുമല്ലേ? വീരന്റെ ഭൂമികയ്യേറ്റം മറ്റുപത്രങ്ങളില്‍ വരുന്നതിന് ചില ദുസ്വാധീനങ്ങളിലൂടെ തടയിട്ടത് ദേശാഭിമാനിയില്‍ ചെലവാകാത്തതിന്റെ അരിശം തീര്‍ക്കാന്‍ എന്തിന് മുന്നണി രാഷ്ട്രീയത്തെ വലിച്ചിഴയ്ക്കണം? വീരന് ഒരു ന്യായവും ദേശാഭിമാനിക്ക് വേറെന്യായവും ആകുന്നതെങ്ങനെ?)
.വീരന്: മഅദനിയുമായി 16-ാം തീയതിവരെയാണ്‌ സി.പി.എം. നേതൃത്വത്തിന്റെ ബന്ധം. ആണും പെണ്ണും ഒന്നിച്ചുകഴിയുന്ന യൂറോപ്പിലെ ഡേറ്റിങ്‌ പോലെ 16-ാം തീയതി കഴിഞ്ഞാല്‍ രണ്ടും രണ്ടുവഴിക്ക്‌. സോഷ്യലിസ്റ്റായ മുലായംസിങ്‌ യാദവുമായി സി.പി.എം. നേതാക്കള്‍ക്ക്‌ സംസാരിക്കാം. ഞാനുമായി പാടില്ല. ആയിരക്കണക്കിന്‌ അപവാദങ്ങള്‍ ദേശാഭിമാനി എന്നെക്കുറിച്ചെഴുതി. മറുപടി ഇല്ലാത്തതുകൊണ്ടല്ല, അന്ന് പറയാതിരുന്നത്‌. മുന്നണി തകരരുതെന്നു വിചാരിച്ചാണ്‌. മറുപടി പറയാന്‍ ആയിരം നാവുകള്‍ ഉണ്ട്‌ ഞങ്ങള്‍ക്ക്‌''
(കോണ്‍ഗ്രസിന്റെ മുന്നണിയില്‍നില്‍ക്കുന്ന മുലായം സിങ്ങ് യാദവിന്റെ ചുമലില്‍ കയറി ഇടതുമുന്നണിയില്‍തന്നെ തുടരാമെന്ന് വീരന് സ്വപ്നം കാണാം. എന്‍സിപിയില്‍ കരുണാകരന്‍ ചേര്‍ന്നതോടെ, ആ പാര്‍ട്ടിയെ എല്‍ഡിഎഫില്‍നിന്ന് ഒഴിവാക്കേണ്ടിവന്നപ്പോള്‍ വീരന് ഈ വികാരം തോന്നിയിരുന്നോ?)
ഇനി ഒരു പത്രക്കുറിപ്പ് വായിച്ചുനോക്കാം. 7-4-2009ന് തിരുവനന്തപുരം പ്രസ്ക്ളബ്ബില്‍ ക്രൈം വാരികയുടെ ചീഫ് എഡിറ്റര്‍ ടിപി നന്ദകുമാര്‍ വിതരണംചെയ്ത പത്രക്കുറിപ്പ് ഇങ്ങനെ:
മുഹമ്മദ് റിയാസിന്റെ അപകീര്‍ത്തിനോട്ടീസ് ഒരു വലിയ തമാശ
ഫാരിസ് അബൂബക്കറിന്റെ പേയ്മെന്റ് സീറ്റാണ് കോഴിക്കോട് എന്ന എംപി വീരേന്ദ്രകുമാറിന്റെ പ്രസ്താവനയ്ക്കെതിരെ അപകീര്‍ത്തിക്ക് നോട്ടീസയച്ച കോഴിക്കോട്ടെ സിപിഎം സ്ഥാനാര്‍ത്ഥി മുഹമ്മദ് റിയാസിന്റെ നടപടി ഇലക്ഷന്‍ ഗിമ്മിക്കും ഏറ്റവും വലിയ തമാശയുമത്രെ. അപകീര്‍ത്തിക്കേസ് ഫയല്‍ചെയ്യുന്നയാള്‍ സമൂഹത്തില്‍ നിലയും വിലയും മാന്യതയും ഉള്ളയാള്‍ ആയിരിക്കണം. എന്നാല്‍ ക്രൈം ഓഫീസ് അടിച്ചുതകര്‍ത്ത് തീകത്തിച്ച കേസില്‍ 20 ദിവസത്തോളം ജയിലില്‍ കിടന്നയാളാണ് കേസിലെ മുഖ്യപ്രതിയായ റിയാസ്. ക്രിമിനല്‍ പശ്ചാത്തലവും ഗുണ്ടായിസവും കാട്ടുന്നതാണോ മാന്യതയുടെ ലക്ഷണം?
ഇലക്ഷന്‍ കഴിയുന്നതുവരെ ജനങ്ങളുടെ കണ്ണില്‍ പൊടിയിടാനുള്ള തന്ത്രം മാത്രമാണ് ദേശാഭിമാനി ചീഫ് എഡിറ്റര്‍ വിവി ദക്ഷിണാമൂര്‍ത്തിക്കാുവേണ്ടി കോഴിക്കോട് ജില്ലാക്കമ്മറ്റി തീരുമാനിച്ചിരുന്ന സീറ്റ് എങ്ങനെ റിയാസിന് ലഭിച്ചു എന്നത് എല്ലാവര്‍ക്കും അറിവുള്ള കാര്യമാണ്. ലാവലിന് രേഖകള്‍ നശിപ്പിക്കാന്‍ ക്രൈം ഓഫീസ് കത്തിച്ചതിനുള്ള പ്രത്യുപകാരമാണ് ഈ സീറ്റെന്ന യാഥാര്‍ത്ഥ്യവും എല്ലാവര്‍ക്കും അറിവുള്ളതാണ്.
പോരേ? ഈ നന്ദകുമാറും വീരേന്ദ്രകുമാറും ഒരേ തരക്കാരാണ് , യോജിച്ചു പ്രവര്‍ത്തിക്കുന്നവരാണ് എന്നതിന് വേറെ തെളിവുനോക്കി പോകേണ്ടതുണ്ടോ? അഥവാ അങ്ങനെ വേണമെങ്കില്‍, ഡോ. സുകുമാര്‍ അഴീക്കോടിനോട് വീരേന്ദ്രകുമാറിന് വിരോധമുണ്ടായപ്പോള്‍, ക്രൈം വാരിക എങ്ങനെയാണ് അഴീക്കോട് മാഷെ അപമാനിച്ചത് എന്ന് ഓര്‍ത്തുനോക്കിയാല്‍ മതി.
വീരന്-ക്രൈം കൂട്ടുകെട്ട് ഇവിടെയുണ്ട്. വീരനുവേണ്ടി ക്രൈം നടത്തുന്നു. കഴിഞ്ഞ നിയമസഭാ തെരഞ്ഞെടുപ്പില്‍ ഓരോ മണ്ഡലത്തിലും എല്‍ഡിഎഫ് സ്ഥാനാര്‍ത്ഥികളെ അപകീര്‍ത്തിപ്പെടുത്തുന്ന വ്യാജവാര്‍ത്തകളുമായി ക്രൈം ഇറങ്ങാന്‍ തുടങ്ങിയപ്പോള്‍ എല്‍ഡിഎഫ് പ്രവര്‍ത്തകര്‍ പ്രതികരിച്ചിരുന്നു. ഇത്തരം നെറികെട്ട പണികള്‍ സഹിക്കവയ്യാതെ പലയിടത്തുനിന്നും പ്രതികരണങ്ങളുണ്ടായിട്ടുണ്ട്. അതല്ലാതെ 'ലാവലിന് രേഖ നശിപ്പിക്കാന്‍' ആരും ക്രൈം ആപ്പീസിലേക്ക് മാര്‍ച്ചുചെയ്തിട്ടില്ല. ഒരു മൂന്നാംകിട അശ്ളീല മാസികക്കാരന്റെ കയ്യില്‍ എന്തു രേഖ? വെറും നാട്യമല്ലാതെ. ഇവിടെ ഇപ്പോള്‍ സംഭവിച്ച ഒരു കാര്യം വീരനും ക്രൈമും തമ്മിലുള്ള ബന്ധം മറനീക്കി പുറത്തുവന്നു എന്നതാണ്-നന്ദകുമാറിനേക്കാള്‍ യോഗ്യനല്ല 52 കൊല്ലത്തെ പാരമ്പര്യമുള്ള ആഗോള മഗ്സാസെ നേതാവെന്നും. അത്രയും ഗുണം.
Subscribe to:
Posts (Atom)